O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

Тадқиқотлар ва синовларнинг электрокимёвий усуллари. Электрокимёвий усулларнинг афзаллиги биринчидан, улар металларнинг коррозияга бардошлилигини реал ишлатиш шароитларида аниқлаш имконини беради. Иккинчидан, бу усуллар юқори экспресс усуллар ҳисобланади. Уларнинг асосий камчилиги – жиҳозлаш таминотининг мурак-каблиги ва ходимлар малакасига қўйиладиган талабларнинг юқорилиги. Шундай бўлсада, электрокимёвий усулларнинг оммавийлиги борган сари ортиб бормоқда.
Электрокимёвий тадқиқотларнинг икки асосий тури – потенциодинамик ва гальваностатик мавжуд. Ҳар иккала усул ҳам питтинг коррозиянинг чегаравий потенциалларини аниқлашга асосланган. Кўрсатилган потенциаллардан муҳими металлнинг физик-кимёвий ҳолатини ифодаловчи ва сиртнинг дастлабки ҳолатига боғлиқ бўлмаган Е_пк ҳисобланади.
Синашларнинг электрокимёвий усули биринчи марта Россияда стандартлаштирилган ва нейтрал сув муҳитларида осон пассивланувчи зангламайдиган пўлатларнинг питтиг коррозиясига бардошлилигини аниқлаш учун тавсия қилинган.
Потенциодинамик қутбланиш Е_кор нинг барқарорлашган қийматидан бошланиб, дастлаб бир йўналишда, сўнгра Е ёйилиш йўналишини ўзгартириб тескари томонга амалга оширилади. Қутбланиш эгрилигидан фойдаланиб, токнинг кескин ошишига мос келувчи потенциал Е_по аниқланади. Е_рп потенциал тўғри ва тескари йўналиш эгриликларининг кесишган нуқтадаги потенциали сифатида топилади.
Гальваностатик қутбланиш камида 30 дақиқа давомида потенциални қайд қилиб бориш орқали i_min = 0,3 А∙м^–2 ток билан ўтказилади. Е_пк нинг катталиги учун охирги 25–30 дақиқа давомида ўлчанган Е нинг ўртача қиймати олинади. Бунда унинг тебраниш амплитудаси 30 мВ дан ошмаслиги лозим.
Материалларнинг кристаллараро коррозияга қарши бардошлилигини синашнинг электрокимёвий усулларидан бири потенциостатик юмшатиш-дир. Бунда синаладиган пўлат металлографик шлифларини 1М НС1 + 0,4М NaCl (T = 25 ± 5 °С) эритмасида юмшатишга асосланган. Электрокимёвий ячейкада бир вақтнинг ўзида бир неча намуна синовдан ўтказилиши мумкин. Бу усул Х18Н10Т турдаги пўлатларни синаш учун мўлжалланган AM ва АМУ усулларнинг электрокимёвий аналоги ҳисобланади.