O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

Анаэроб бактериялар асосан тупроқ таркибида бўлган сулфатлардан олтингугуртни қайтаради. Бу турдаги бактериялар рН=5,5–8,0 бўлган муҳитларда яхши ривожланади. Уларнинг фаолияти натижасида S_{ } ион-лари О₂ нинг аралиши билан S^2– гача қайтарилади. Коррозион муҳитда сул-фидлар ва Н₂S нинг бўлиши буюм сиртида ғадир-будир темир сулфиди қат-ламининг ҳосил бўлишига олиб келади. Коррозия питтинг характерига эга.
9.3. Металларнинг денгиз коррозияси
Порт иншоотлари, причаллар, денгиз кемалари, денгиз орқали ўтувчи нефт қувурлари, денгиз остидан нефт қазиб олиш қурилма ва жиҳозлари денгиз коррозиясига учрайдилар.
Денгиз суви турли хилдаги тузларнинг эритмасидан, асосан натрий, магний, калий, калций ва бошқаларнинг хлоридлари, сулфатлари ва карбонатларидан ташкил топган суюқликдир. Денгиз суви электролит ҳисобланиб, унинг электр ўтказувчанлиги етарлича юқори ва (2,5-3,0)∙10^–2 Ом^–1∙см^–1 ни ташкил қилади, нейтрал ёки кучсиз ишқорлилик (рН=7,2 – 8,6) реакциясига эга.
Денгиз сувида хлор ионлари, яъни ион-активаторларнинг бўлиши бу муҳитнинг юқори коррозионно-активлигидан далолат беради.
Денгиз сувининг шўрлиги промилларда ўлчанади. Граммларда олинган, 1000 г денгиз сувида эриган қаттиқ моддаларнинг миқдори промилл дейилади. Океанлар сувининг ўртача шўрлиги 3–3,5 промиллни ташкил қилади (дарё сувида бу кўрсаткич 0,03).
Денгиз сувда коррозияни тезлаштирувчи ва сув билан контактда бўлган металл конструкциялар сиртининг қопланишига олиб келувчи жуда кўп микроорганизмлар мавжуд.
Денгиз сувида коррозия қатъиян катод назоратли электрокимёвий механизм бўйича боради. Ион-активаторларнинг (С1^–) бўлиши металл сиртида плёнка ҳосил бўлишига тўсқинлик қилади. Юқори электр ўтказувчанлик қаршиликли тормозланишнинг амалга ошишига йўл қўймайди.
Сувнинг сирт қатламларидаги кислород миқдорининг юқорилиги кемалар ватерчизиғи соҳасида, гидроиншоотларнинг сув сатҳига яқин ёки даврий равишда ювиладиган соҳаларида коррозиянинг кучайишига сабаб бўлади (9.5-расм).