O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

Кейинги мия (metencephalon) га Варолиев кўприги (pons varoli) ва 
мияча (cerbellum) киради. Варолиев кўприги узунчоқ миянинг давоми бўлиб, 
вентрал юзаси қавариқ, пастдан узунчоқ мия, юқоридан ўрта мия билан 
чегараланган. Кўприкнинг дорсал юзаси тўртинчи қоринчага қараган бўлади. 
Узунчоқ мия каби Варолиев кўприги ҳам оқ ва кул ранг моддалардан 
тузилган. Кўприкнинг кулранг моддасида V-VII жуфт бош мия нервларининг 
танаси ва кўприкнинг хусусий танаси жойлашган. Кўприкни узунчоқ миядан 
ажратувчи чуқурликдан VIII жуфт эшитув, VII жуфт юз, VI жуфт 
узоқлаштирувчи бош мия нервлари чиқади. Кўприк асосан кўтарилувчи ва 
тушувчи ўтказувчи йўллардан ташкил топган. Тушувчи йўллар 
пирамидасимон тўдадан, чиқувчи йўл медиал қовузлоқдан иборат. 
Кўприкнинг кўндаланг толалари миячанинг ўрта оёғини ҳосил қилиб, 
кўприкни мияча билан боғлайди. 
Мияча (cerebellum) ўнг ва чап ярим шарлардан иборат бўлиб, улар 
чувалчангсимон қисм билан бириккан. Мияча бош мия ярим шарлари билан 
параллел ривожланади, у одамда яхши тараққий этган бўлади. Мияча калла 
ички асосининг пастки энса чуқурлигида, катта мия ярим шарлари энса 
қисмининг тагида жойлашган бўлиб, вазни 150г. Миячанинг юзасида 
ёйсимон эгат ва пушталар бўлиб, эгатлар миячани бўлакларга ажратади.
Миячанинг 3 жуфт: юқориги, ўрта ва пастки оёқчаси бўлади. Юқориги 
оёқчаси миячани тўрт тепалик ва мия ярим шарлари билан, ўрта оёқчаси 
кўприк билан, пастки оёқчаси узунчоқ мия ва орқа мия билан боғлайди. Агар 
мияча кесилса, унинг устки қисми юпқа кул ранг моддадан тузилганлиги ва 2 
қават (доначали ва юлдузчали) ҳужайралари кўринади. 
Кулранг модда тагида оқ модда жойлашган, унинг нерв толалари 
дарахт баргининг томирлари каби тарқалган. У ҳаёт дарахти деб аталади. 
Оқ модда орасида тўрт жуфт тана – тарқоқ ҳолдаги кулранг модда учрайди. 
Миячага бош мия ярим шарлари пўстлоғининг пешана, энса ва чакка 
бўлимларидан нерв толалари киради. Мияча танадаги рецепторлардан, 
даҳлиз нерви танасидан, бош мия катта ярим шарлари пўстлоғидан 
импульслар қабул қилади ва баъзи мускуллар координациясида ҳамда 
мускуллар таранглигини сақлашда иштирок этади. Кейинги текширишлардан 
маълум бўлишича, миячада муҳим вегетатив нерв марказлари жойлашган.