O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

БОШ МИЯ 
Бош мия (enephalon) мия қутиси ичида жойлашган бўлиб, сут эмизувчи 
ҳайвонларда, айниқса, одамда яхши ривожланган. Унинг вазни катта одамда 
ўрта ҳисобда 1275-1375 г келади. У бош мия қутисининг 91-93 % ни эгаллаб 
туради. Бош миянинг индивидуал вазни тананинг вазнига боғлиқ бўлиб, 960-
2000 г гача бўлади. Шуни айтиш керакки, бош миянинг вазни ақлни 
ифодаламайди. Одамнинг ақли бош мия пўстлоғи ҳужайраларининг 
физиологик ҳусусиятларига, химиявий таркибига ва машқ қилиш-
қилмаслигига боғлиқ. Масалан, А. Франс деган ёзувчи бош маясининг вазни 
1017 г, тарихда бир девонаники 2000 г, Тургеневники 2012 г, Байронники 
2238 г, Шиллерники 1875 г бўлган. 
Бош мия ҳайвонот оламининг тараққиёти жараёнида ривожланиб 
борган. Бош мия бўлакларининг ривожланиши ва вазнининг ортиши турли 
ҳайвонларда турлича бўлади. Масалан, балиқларда ва қушларда бош миянинг 
мияча қисми яхши ривожланган, Сут эмизувчи ҳайвонларда бош мия ярим 
шарлари яхши ривожланган бўлиб, мия сопини ўраб олади. Эволюцион 
ривожланишда марказий нерв системасининг айрим қисмлари табақаланиб 
боради. Бу бўлиниш ҳайвонларнинг ҳаёт шароитига қараб турли хил бўлади. 
Юксак даражада тузилган маймунларда ва одамда бош миянннг катта ярим 
шарлар бўлаги жуда ривожланган бўлиб, бош мия вазнининг 80 % ни ташкил 
этади. 
Бош миянинг ривожланиши ва ёшга қараб ўзгариши. Бош мия 
эмбрионнинг ривожланишида дастлаб мия каналининг олдида дастлабки
учта (олдинги, ўрта, ромбсимон) пуфакча ҳосил қи-лади. Эмбрион 3 
ҳафталигида биринчи ва учинчи пуфакчалар 2 га бўлинади, натижада
пуфакчалар сони 5 та бўлади. Бу бешта пуфак-чадан бош миянинг бешта 
қисми ривожланади. Биринчи пуфакча олдинги мия дейилиб, бундан бош 
мия катта ярим шарлари ривожланади. Ичидаги бўшлиқ ён қоринчаларга 
айланади. Иккинчи пуфакча оралиқ мия дейилиб, бундан кўриш бўртиқлари, 
бўртиқ ости қисм ривожланади. Ичидаги бўшлиқ 3-қоринчага айланади. 
Учинчи пуфакчадан ўртa мия ривожланади. Ичидаги бўшлиқ Сильвиев 
каналига айланади. Тўртинчи пуфакчадан кейинги (орқа) мия ривожланади. 
Бешинчи пуфакчадан узунчоқ мия ривожланади. 4-5 - пуфакчалар бўшлиғи 
4-қоринчага айланади. 

---

78 
Эмбрион 5 ойлигида бош мия катта ярим шарларида эгатчалар -
чуқурчалар ҳосил бўла бошлайди. 6 ойликда ярим шарлар бош мия сопини 
ўраб туради. 
Янги туғилган болада барча нерв ҳужайралари бўлади. Лекин улар 
майда, анатомик-физиологик жиҳатдан ривожланмаган бўлади. Нейронлар 
ўсиб, йириклашиб, ўсимталарини, шаклини ўзгартириб боради. Нерв
толалари 
миэлинлашиб 
боради, 
кўриш, 
мувозанат 
ва 
эшитиш 
анализаторларининг миэлинлашиши она қорнида бошланиб, бола туғил-
гандан сўнг биринчи ойларда тугайди. Боланинг ҳаёти
давомида
бош мия 
ҳужайралари ажралиб, алоҳида нерв марказлари шаклланиб,
ривожлана боради. Янги туғилган бола бош миясининг вазни ўрта 
ҳисобда 350-390 г бўлади. У бир ойлик бўлганда 450 г, бир ёшида 700-800 г,
7 ёшида ўғил болаларда 1260 г, қизларда 1190 г бўлади. 
Бош миянинг вазни 20-30 ёшда энг катта бўлиб, сўнг аста-секин камая 
боради.