O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

Мия қоринчалари. Орқа мия канали узунчоқ ва кейинги мия ичида 
кенгайиб конус шаклдаги тўртинчи қоринча ҳосил қилади. Тўртинчи 
қоринчанинг туби ромбсимон шаклда бўлиб, у ромбсимон бўшлиқ дейилади. 
Ромбсимон бўшлиқ юқорида учинчи қоринчани тўртинчи қоринча билан 
бирлаштирадиган тор Сильвиев каналини ҳосил қилади. Ромбсимон бўшлиқ 
атрофида V-XII жуфт бош мия нервларининг танасн жойлашган. Тўртинчи 
қоринча бўшлиғи учта катта тешик орқали узунчоқ мия атрофидаги ўргимчак 
ини ости бўшлиғи билан туташади. Шундай қилиб, тўртинчи қоринча 
деворлари узунчоқ мия, Варолиев кўприги ва миячадан ҳосил бўлади. 
Сув йўли. Тўртинчи қоринча ўрта мия ичида торайиб уч қиррали тор 
Сильвиев каналига айланади. Бу канал тўртинчи қоринчани учинчи қоринча 
билан боғлайди. Сильвиев каналининг ички юзасида кулранг модда бўлиб, 
бунда кўз соққасини ҳapaкатлантирувчи учинчи жуфт ва ғалтаксимон 
тўртинчи жуфт нервлар танаси бўлади. 
Учинчи қоринча. Миянинг учинчи қоринчаси кўриш бўртиклари 
орасида жойлашган вертикал ёриқ кўринишида бўлади, Учинчи қоринчанинг 
олдинги деворини кулранг моддадан тузилган юпқа охирги пластинка ва 
иккита ярим шарни олдинда бир-бирига борлайдиган оқ нерв толалари 
ташкил этади. Орқа девори иккита ярим шарни бир-бирига туташтирувчи 
орқа оқ нерв толаларидан иборат. Юқориги деворини эпителий 
пластинкалари ҳосил қилади. Учинчи қоринча орқа томондан Сильвиев 
каналига, олдинги томондан жуфт тешиклар орқали бош мия ярим шарлари 
ичидаги ён қоринчаларга туташади. Учинчи қоринчанинг туби кулранг 
бўртикнинг ички юзаси ҳисобланади. 
Ён қоринчалар мия ярим шарларининг ички юзасини ташкил этиб, 
ўрта (марказий) ва ундан чиққ,ан учта тармоқдан тузилган. Ён қоринчалар 
тор ёриқ кўринишида бўлиб, у ерда орқабош мия суюклиги сақланади. ўрта 
қисми кўриш бўртикларининг устида, мия ярим шарларининг тепа бўлимида 
жойлашган тор горизонтал ёриқдан иборат бўлиб, қон томирлар тўрига бой. 
Олдинги тармоғи пешана қисмида, пастки тармоғи чакка қисмида, орқа 
тармоғи энса қисмида жойлашган.