O’zbekiston respublikasi oliy va o’rta maxsus ta’lim vazirligi termiz davlat universiteti boshlang’ich ta’lim metodikasi kafedrasi

Fanning o’quv rejadagi boshqa fanlar bilan o’zaro bog’liqligi, uslubiy jihatdan uzviy va ketma-ketligi
Boshlang’ich sinfda integratsiyalashgan ta’lim fani asosiy ixtisoslik fani hisoblanadi. 8 semestrda o’qitiladi. Boshlang’ich sinfda integratsiyalashgan ta’lim kursining boshqa fanlar bilan aloqasi: falsafa, mantiq, ruhshunoslik, ijtimoiy ruhshunoslik, yosh psixologiyasi, pedagogika, ijtimoiy pedagogika, fanlaridan yetarli bilim va ko’nikmalarga ega bo’lishlik talab etiladi.


Fanning ta`limdagi o’rni
Boshlang’ich ta’lim fakulteti talabalari Boshlang’ich sinfda integratsiyalashgan ta’lim fani bo’yicha nazariyada olgan bilim, malaka va ko’nikmalarini umumiy o’rta ta’limning boshlang’ich sinf maktablaridagi amaliyotda takomillashtiradilar. Nazariy bilimlarini hayotga tatbiq etish ko’nikmalari hosil qilinadi. Shuning uchun ushbu fan asosiy ixtisoslik fani hisoblanadi, boshlang’ich ta’limga kadrlarni tayyorlash jarayonida muhim ahamiyatga egadir.


Fanni o’qitishda zamonaviy axborot va
pedagogik texnologiyalar.
Talabalarning “Boshlang’ich sinfda integratsiyalashgan ta’lim” fanini o’zlashtirishlari uchun o’qitishning ilg’or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir. Fanni o’zlashtirishda darslik, o’quv va uslubiy qo’llanmalar, ma’ruza matnlari, tarqatma materiallar, elektron materiallar, kompьyuter diagrammalari, ilg’or pedagogik texnologiyalardan foydalaniladi. O’qitish vositalari bilan ta’minlash jadvallari: ta’lim va tarbiya tamoyillari. O’quv jarayonini tashqil qilish turlari va shakllari; ta’lim va tarbiya metodlari; xalq ta’limini boshqarish tizimi; uslubiy-tarqatma materiallar (treninglar, psixo-pedagogik test topshiriqlari).
Har bir mavzuga oid muammoli vaziyatlar yechimini topish, virtual kutubxona fondidan foydalanishga magistrlarni jalb etish bilimlarni chuqur egallashga yordam beradi. Magistrlar bilimini nazorat qilish va baholashda test, yozma ishlar, kollokvium kabi nazorat shakllaridan foydalanish bilim olishga bo’lgan qiziqishni oshiradi.