O’zbekiston Respublikasi Oliy va o’rta maxsus ta’lim vazirligi Termiz davlat universiteti Maktabgacha ta’lim fakulteti Maktabgacha ta’lim metodikasi kafedrasi Maktabgacha ta’limda boshqaruv va menejment Fanidan

Topshiriqlarni bajarish tartibi: Talabalar mavzu haqida ma’lumotlar to’playdi, konspektlashtiradi. Yalpi tekshirish turlari haqida kengroq ma’lumotlarga ega bo’lishadi.
21 - Mavzu: Metodik birlashmalar. Maktabgacha ta’lim sohasi bo`yicha mavjud adabiyotlar tahlili
Metodik birlashmalar - maktabgacha ta'lim tashkilotlari faoliyatiga oid eng dolzarb masalalar muhokama etiladigan va hal qilinadigan uslubiy tuzilmalardir.
Metodik birlashmalarning asosiy vazifasi - pedagog va tarbiyachilarning ijodiy faolligini oshirish va yangilikka intilishlarini qo'llab-quvvatlash, o'z ishiga tanqidiy munosabatda bo'lish va xolisona baho berish ko'nikmasini shakllantirish, zimmasidagi vazifalarga yuksak mas'uliyat hissini qaror toptirish, kasb mahorati va malakasini uzluksiz oshirib borishga yo'naltirishdan iborat.
Metodik birlashmalar butun o'quv yili davomida (sentyabrdan maygacha) faoliyat olib boradi. U turli toifadagi pedagog- tarbiyachilar, musiqa rahbarlari, mudiralar faoliyatini takomillashtirish, ularning kasb mahorati va malakasini oshirish maqsadida tashkil etiladi. Bizning fikrimizcha, maktabgacha ta'lim tashkilotlari soni ko'p bo'lgan yirik tumanlarda bunday birlashmalarni bo'lim (yoki bir necha bo'lim) shaklida tashkil etish maqsadga muvofiq bo'lar edi. Har bir bo'limda 18-20 maktabgacha ta'lim tashkilotlari kiradi. Birlashmaning ishlash muddati, faoliyat doirasi va vakolatlari