O’zbekiston Respublikasi Oliy va o’rta maxsus ta’lim vazirligi Termiz davlat universiteti Maktabgacha ta’lim fakulteti Maktabgacha ta’lim metodikasi kafedrasi Maktabgacha ta’limda boshqaruv va menejment Fanidan

Topshiriqni bajarishdan maqsad: Ushbu topshiriqni bajarish davomida talabalar maktabgacha ta’lim bо‘limlari faoliyati, maktabgacha ta’lim bо‘limlari va maktabgacha tarbiya tashkilotlarini nazorat qilishning boshqaruvdagi ahamiyati haqida keng ma’lumotlarga ega bo’ladilar.
Topshiriqni bajarish tartibi: Talabalar ushbu mavzu haqida ma’lumotlarni to’playdi, bo’limlarning tashkilotlarni boshqarish va nazorat qilish usullarini, yo’llarini o’qib o’rganadi, daftarlariga konspekt tayyorlaydi. MTTlarni boshqarishda nazorat qilishning afzallik jihatlarini tahliliy o’rganadi.
19-Mavzu:Pedagogik kengash shakllari. O`zbekiston Respublikasi Vazirlar mahkamasining ta’lim sohasidagi vakolatlari
Pedagogik kengash jamoa pedagoglari fikrini ifodalovchi, bolalar bilan olib boriladigan ta'lim-tarbiyaviy masalalarni kollegial ko'rib chiqadigan doimiy ishlovchi organ, metodik mahorat maktabi va ilg'or tajriba minbaridir.
Pedagogik kengash qabul qilgan ayrim qarorlar MTT uchun ham, direktor uchun ham majburiy hisoblanadi. Ko‘pgina MTTlarda kengashda muhokama qilinadigan masala oldindan o‘rganib chiqiladi. Kengash har qaysi masala bo‘yicha tegishli qaror qabul qilib, ma’lum shaxslar va bajarilish muddatlarini belgilaydi. Pedagogik kengashning qarorlari maxsus daftarga yozib boriladi, rasmiylashtiriladi, bajarilishi kuzatiladi va nazorat qilinadi, natijasi navbatdagi yig‘ilishda kengash a’zolariga xabar qilinadi. Qarorlar daftari MTTning muhim hujjati bo‘lgani uchun uni yuritishga alohida e’tibor beriladi. Pedagogik kengash bilan hamkorlikda metodik ishlar komissiyasi quyidagi ishlarni amalga oshiradi:

1. 
   pedagogik kengashga topshirilgan masalani ishlab chiqadi: o‘zaro tajriba almashish, mashg’ulotlarni rejalashtirish, kundalik ta’limiy va tarbiyaviy vazifalarni muhokama qilish;
   
2. 
   ; komissiya ba’zi tarbiyachi - pedagoglarning ish tajribasini o‘rganadi, umumlashtiradi va natijani pedagogik kengashga ma’lum qiladi;
   

d) pedagogik kengash topshirig‘iga ko‘ra ochiq mashg’ulotlar uyushtiriladi va ularning natijasini kengash muhokamasiga taqdim etadi.
Maktabgacha ta'lim tashkiloti mudiri Pedagogik kengash raisi hisoblanadi.