O’zbekiston Respublikasi Oliy va o’rta maxsus ta’lim vazirligi Termiz davlat universiteti Maktabgacha ta’lim fakulteti Maktabgacha ta’lim metodikasi kafedrasi Maktabgacha ta’limda boshqaruv va menejment Fanidan

Topshiriqni bajarishdan maqsad: Bu mavzuni o’rganish jarayonida talabalar MTTlarida pedagogik kengashning faoliyatining mazmuni bilan tanishadi. Ma’lumotlarga ega bo’ladi. Vazirlikning vakolatlari bilan tanishadi.
Topshiriqni bajarish tartibi: Mavzu haqida ma’lumotlarni o’rganish va daftarga yozish va Vazirlikning vakolatlarini mukammal o’rganish
20 –Mavzu: Nazoratning maqsadi, vazifalari va unga qo`yilgan talablar. Maktabgacha ta’lim tashkilotlarini yalpi tekshirishning asosiy shakllari
Nazoratning maqsadi, vazifalari va unga qo‘yiladigan talablar.
Nazoratning asosiy maqsadi - O’zbekiston Respublikasining «Ta’lim to’g’risida»gi Qonun, Kadrlar tayyorlash milliy dasturi hamda sohaga doir boshqa me’yoriy hujjatlarga tayangan holda maktabgacha ta’lim tizimi faoliyatini takomillashtirish, zamonaviy fan yutuqlari asosida ta’lim-tarbiya ishlarini rivojlantirishdan iboratdir.
Nazorat ishlarini tizimli tashkil etish uchun maktabgacha ta’lim tashkilotlari uchun nazoratchi-uslubchi tomonidan 5 yilga mo’ljallangan istiqbol reja tuzilib, u shahar yoki tuman maktabgacha ta’limi mudiri tomonidan tasdiqanadi. Rejada tekshirish muddati aniq ko’rsatiladi.
Nazorat ishlarini tashkil etishda ko’pincha ixtisoslashtirilgan, maxsus va sanatoriya tipidagi maktabgacha ta’lim tashkilotlari faoliyatini tekshirishga alohida e’tibor beriladi, nazoratning maqsadi ham tashkilotning turiga qarab belgilanadi. Nazorat qilish muddati tashkilotdagi guruhlarning soniga va tekshirish turiga qarab 10 kundan oshmasligi kerak.
Shahar, tuman bo’limlarini nazorat qilish 5 yilda bir marta amalga oshiriladi. Bunday ishlarga tajribali, o’z ishining ustasi bo’lgan maktabgacha ta’lim tashkiloti xodimlaridan iborat guruh tuzilib, uning tarkibiga mudiralar, uslubchilar, tarbiyachilar, hamshiralar, uslubiy kabinet xodimlari, malaka oshirish instituti mutaxassislari, jamoatchilik vakillari kiritilishi mumkin. Nazorat guruhi tarkibi, tekshiruv rejasi va muddati tegishli maktabgacha ta’lim bo’limlari tomonidan tasdiqlanadi.