O’zbekiston Respublikasi Oliy va o’rta maxsus ta’lim vazirligi Termiz davlat universiteti Maktabgacha ta’lim fakulteti Maktabgacha ta’lim metodikasi kafedrasi Maktabgacha ta’limda boshqaruv va menejment Fanidan

Tuzuvchi: N.Yu.Boboqulova – TerDU “Maktabgacha ta’lim metodikasi” kafedrasi o’qituvchisi.

Taqrizchi: dots. M.O.Norbosheva - TerDU “Maktabgacha ta’lim metodikasi” kafedrasi mudiri

Ushbu o’quv uslubiy ko’rsatma O’MBning 2021- yil 28- avgustidagi 1- sonli yig’ilishida ____ -sonli buyrug’i bilan tasdiqlangan dasturga muvofiqishlab chiqildi.

Amaliy mashg’ulotni bajarish tartibi va mazmuni

1. 
   Mavzu: Ijtimoiy maktabgacha ta’limni tashkil etish vazifalari. Mustaqillik yillarida maktabgacha ta’lim tizimini rivojlantirish tamoyillari va asosiy yo`nalishlari.
   

O'zbekiston Respublikasida faoliyat ko'rsatayotgan barcha maktabgacha ta’lim muassasalari uchun (davlat, nodavlat, maxsus va boshqalar) “Ilk qadam” o’quv dasturi asosiy manba bo'lib xizmat qiladi.
O'zbekiston Respublikasi hududida joylashgan quyidagi ta'lim muassasalarida:
-davlat maktabgacha ta’lim muassasalari;
-maktabgacha ta'lim sohasida xizmat ko'rsatuvchi nodavlat muassasalari;
-maktabgacha guruhlarga ega bo'lgan «Mehribonlik» bolalar uylari;
-maktabgacha va boshlang'ich ta'limni nazorat qiluvchi boshqaruv organlarida - ushbu davlat o'quv dasturini qo'llash majburiydir.
Davlat o'quv dasturi VII bobdan iborat bo'lib, I bobda MTT davlat o'quv dasturini qo'llash va MTTning maqsad va vazi­falari aks ettirilgan.
Davlat o'quv dasturi variativ o'quv dasturlarini yaratishda majburiy tayanch hujjat hisoblanadi.
Ta'lim muassasalari Maktabgacha ta'lim vazirligi tomoni­dan tasdiqlangan variativ o'quv dasturlaridan foydalanish huquqiga ega.
Ta’lim muassasasi Davlat o'quv dasturi asosida o'zining MTT ishchi o'quv dasturini ishlab chiqish huquqiga ega. Ta'lim muassasasining ishchi o'quv dasturi muassasa pedagoglari to­monidan ota-onalarni jalb etgan holda tuziladi va amaldagi qonunchilik tartibida tasdiqlanadi.