O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Lavlagining chirish kasalliklari bilan kurash choralari. Ildizmevalar chirishi rivojlanishining asosiy sababi - ildizmevalar so’lg’in, natijada fiziologik kuchsiz bo’lib qolishidir. Yig’ishtirib olingan ildizmevalarni so’lg’in bo’lib qolishidan, sovuqdan va mexanik jarohatlardan asrash; barcha zararlanganlarini alohida joyga ajratish, kuchli zararlanganlariga formalin, temir kuporosi yoki ohak suvi bilan ishlov berib, o’sha joyda ko’mib tashlash, kam zararlanganlarini tozalab, molga yem uchun yoki qayta ishlashga yo’llash; lavlagini o’sha dalaga 3-4 yildan so’ng qayta ekishni ko’zda tutuvchi almashlab ekishni joriy qilish (lavlagi uchun eng yaxshi o’tmishdoshlar - g’alla va dukkakli ekinlar); agrotexnika qoidalariga rioya qilish, ekishdan oldin dalani yaxshilab tekislash, nordon tuproqlarni ohaklash, go’ngni elementlar balansi saqlangan o’g’it bilan birga solish; omborxonalarga joylash uchun faqat sog’lom ildizmevalarni tanlab olish; chirish qo’zg’atuvchilari sal nordonroq muhitda yaxshi rivojlanadi, shu sababdan ularni joylashday oldin ohak suti (10 l/t) yoki bo’r bilan ishlov berish kerak; vaqtincha saqlash joylari va omborxonalarni puxta tayyorlash va dezinfeksiyalash; saqlash paytida harorat 1-3°S, namlik 90-95% bo’lishini ta’min-lash; ildiz yemirilishi va serkosporozga qarshi keltirilgan tadbirlarni qo’llash tavsiya qilinadi (Gerasimov, Osniskaya, 1961; Peresыpkin, 1982; Vyangelyauskayte i dr., 1989; Sыchev, Mizunov, 1991; Rashidov va b., 1998; Ganiyev, Nedorezkov, 2005).