O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Fusarium culmorum. Miseliy oq, oqish-sariq, sarg’ish-to’q-qizil rangli, baroq, zich. Makrokonidiyalar sporodoxiy va pionnotlarda, kamroq hollarda havo miseliysida rivojlanadi, urchuq-o’roq, egilgan yoki to’g’ri, ba’zan deyarli silindr shaklli, 4-6, kamroq hollarda 7-9 hujayrali, ko’p bo’lganida rangi sariq, pushti, to’q-sariq, och-qo’ng’ir yoki qizg’ish-to’q-sariq; 4 hujayralilari 15-56x3,7-11,5 mkm, 6 hujayralilari 20-88x4,7-12,5 mkm, 8 hujayralilari 35-100x6-14 mkm. Xlamidosporalari interkalyar (gifalar o’rtalarida rivojlanadi).

Fusarium solani zamburug’ining belgilari “Dukkakli ekinlarning maysalari va ildizi chirishi” bo’limida keltirilgan. O’zbekistonda uyumlarda va omborxonalarda saqlanadigan tuganaklarning eng ko’p tarqalgan chirishi fuzarioz ekanligi aniqlangan (Bo’riyev va b., 2002; Xolmurodov, 2004). Kasallik ko’pincha tuganaklar 2-3 oy saqlanganda paydo bo’ladi. Fuzarioz bilan yengil zararlangan kartoshkalarda chirish kuchayadi. Hatto normal sharoitda ham 10% gacha tuganaklar chirib ketadi; yuqori harorat va namlikda kartoshkaning 30-50% va undan ham ko’prog’i yo’qotilishi mumkin. Urug’likka mo’ljallangan, fuzarioz bilan zararlangan tuganaklar, ayniqsa ular bo’laklarga kesib ekilsa, tuproqda chirib ketishi mumkin. Ulardan nihol o’smasligi, yoki zaif, nimjon nihollar chiqib, keyinchalik so’lishi kuzatiladi.