O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kurash choralari. Kartoshka hosilini ehtiyotkorlik bilan kavlab olish, qoplash, tashish va omborxonalarga joylash lozim. Yangi to’plangan tuganaklarni biroz yuqori namlik sharoitida saqlash ularning ustidagi yaralar qotishini ta’minlaydi va infeksiya tarqalishini ancha kamaytiradi; so’ngra kartoshkani quruq, zararsizlantirilgan omborxonalarda past (3-5^oS) harorat va 90-95% nisbiy namlik sharoitida saqlash maqsadga muvofiq. Urug’lik sifatida sog’lom tuganaklarni kesmasdan, samarali fungisid (1-ilova) bilan dorilab ekish; o’suv davrida tuproq namligi 60-85% atrofida bo’lishini ta’minlash, organik va mineral o’g’itlarni balansini saqlagan holda solish, nordon tuproqlarni ohaklash, dalaga kartoshka 3-4 yilda bir marta ekiladigan almashlab ekishni joriy etish tavsiya etiladi. Quruq chirishga Rannyaya roza va Berlixingen navlari chidamsiz, Lorx va Voltman navlari esa chidamli (Zaprometov, 1974; Pidoplichko, 1977b; Peresыpkin, 1982; Int. Potato Center, 1982; Chumakov, Zaharova, 1990; Bo’riyev va b., 2002; Xolmurodov, 2004).

Kartoshka nihollarida “qora oyoq” (“qora son”) va tuganaklarida yumshoq bakterioz chirish kasalligini Erwinia turkumiga mansub bakteriyalar, jumladan E. carotovora ssp. atroseptica nam va sovuq, E. carotovora ssp. carotovora – iliq, E. carotovora ssp. chrysanthemum (=E. chrysanthemum) esa issiq iqlimli mintaqalarda qo’zg’atadi. Kasallik kartoshka o’suv davrida dalada va omborxonalarda rivojlanadi.