O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Tut parvonasi qurtlarining brakon kushandasi bilan zararlanishi.
Kimyoviy kurash usuli. Tut parvonasiga qarshi kurashish maqsadida insektisidlarni qo’llash samarali usul bo’lishiga qaramay, uni qo’shimcha, zarurat paydo bo’lganida qo’llaniladigan usul deb tushunmoq lozim. Tutzorlarda tut parvonasiga qarshi qo’llash mumkin bo’lgan preparatlarning ro’yxati 2-jadvalda keltirilgan. Mazkur jadvalda preparatlar ikki guruhga bo’lingan. Birinchisiga o’simlik ichiga singish qobiliyatiga ega bo’lmagan preparatlar kiritilgan bo’lib, ularning hasharotga ta’siri zararlanish boshida samarali bo’lishi mumkin. Daraxt zararlanishi kuchayib, barcha yoshli qurtlari paydo bo’lgach va bir qism qurtlar «o’ralib» olgach, o’simlik ichiga singib ta’sir qilish qobiliyatiga ega bo’lgan ikkinchi guruh preparatlar qo’llaniladi. Tut parvonasiga qarshi kimyoviy ishlov o’tkazish uchun OVX-28, OVX-600 va boshqa maxsus bog’ purkagichlaridan foydalanish mumkin. OVX-28 purkagichi ishini daraxtlarga moslashtirish uchun institutda yaratilgan maxsus moslama ishlab chiqarishga tatbiq qilingan. U daraxtni yaxshiroq qamrash hisobiga samaradorlikni 20-35% oshiradi (24-rasm).

24-rasm. Tutlarga ishlov berish hamda balandlik bo’yicha qamrash kengligini oshirishga mo’ljallangan maxsus moslama bilan jihozlangan OVX-28 purkagichi.