O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Reja;

1.Fitopatologiya faning maqsadi va vazifasi.

2.Fanning rivojlanish tarixi.

3.O’simlik kasallik belgilari.

Fitopatologiya fani o’simliklarning kasalliklari va ularga qarshi kurash to’g’risidagi fandir. U yunon tilidagi phyton- o’simlik, pathos – kasallik, logos – ta’limot degan so’zlardan olingan bo’lib - o’simlik kasalliklari to’g’risida ta’limot degan ma’noni anglatadi.Fitopatologiya fani kasallangan o’simlikni har tomonlama o’rganib, patologik jarayoni natijasida unda vujudga keladigan tashqi va ichki belgilarni, kasallikning kelib chiqish sabablarini, tarqalishini, ekologik holatga bog’liq ravishda namoyon bo’lishini, kasallikning keltiradigan iqtisodiy zararini, kasallikka o’simlikning immunitet xususiyatlarini, kasallikning kelib chiqishini oldindan aniqlash va unga qarshi kurash choralarini belgilab, kasallangan o’simliklarni sog’lomlashtirish yo’llarini o’rgatish asosida ulardan mo’l xosil olishni o’rgatadi. Belgilangan vazifalarni amalga oshirish uchun fitopatologiya fani quyidagi bo’limlarda to’plangan ma’lumotlarga asoslanadi: diagnostika - kasallikning tashqi va ichki belgilari asosida uni aniqlash; etiologiya – kasallikning sabablarini aniqlash; profilaktika – kasallikni oldini olish; terapiya – kasallangan o’simliklarni davolash. Xozirgi zamon fitopatologiya fani o’z taraqqiyoti davomida qo’yidagi ilmiy fanlar tizimi negizida rivojlanmoqda: mikologiya (zamburug’lar), qishloq xo’jalik bakteriologiyasi (bakteriyalar), fitovirusologiya (viruslar), fitonemotodologiya (parazit nematodalar), fitopatogeniz (o’simlik va kasallik qo’zg’atuvchi orasidagi munosabat), patoanotomiya va o’simliklar fiziologiyasi (kasallangan o’simlikda ro’y beradigan o’zgarishlar), fitoimmunologiya (o’simliklarning kasalliklarga chidamliligi), epifitologiya (kasallikning xosil bo’lish sabablari va uning keng tarqalishi), fitoprofilaktika (kasallikni kimyoviy, agrotexnik, fizik va biologik usulda himoya qilish), o’simliklar karantini va kasalliklar bilan kurashishni mexanizasiyalash masalalari. Fitopatologiya fani kasallik qo’zg’atuvchisi va o’simlik orasidagi munosabatlarning nazariy asoslarini o’rgatuvchi - umumiy va xususiy fitopatalogiya bo’limlariga bo’linadi.