Oʻzbekiston respublikasi oliy va oʻrta maxsus taʼlim vazirligi samarqand davlat universiteti maktabgacha ta`lim kafedrasi

VIII. TАLIMNING FАNLАRАRO BOGʼLIQLIK TАMOYILI
Taʼlimning asosiy maqsadi oʼquvchi-talabalarni mustaqil hayotga tayyorlash, yaʼni turli xil hayotiy sharoitlarda oʼz bilim, malaka va koʼnikmalarini amalda qoʼllay olish darajasiga yetkazishdir. Shuning uchun taʼlim jarayonida oʼquvchi-talabalarni faqat ilmiy bilimlar bilan qurollantiribgina qolmasdan, balki ana shu fanlararo bogʼliq bilimlarni amaliyotda qoʼllay olishlarini taʼminlashimiz lozim. Demak, bu tamoyil taʼlimning fanlararo bogʼliqligi bilan hamoxang boʼlib, ular bir-birlarini toʼldirib keladilar. Taʼlimning fanlararo bogʼliqligi ilmiy bilimlarni nazariy jihatdan oʼrganishga, mantiqiy bogʼliqliklarni tushunishiga, fikrlash qobiliyatini oʼstirishga xizmat qilsa, amaliy harakatlar ana shu bilimlarni amalda qoʼllab koʼrish, yanada toʼliqroq ishonch hosil qilish, malaka hamda koʼnikmalarni shakllantirishga yordam beradi.
IX. TАLIMNING NАZАRIYABILАN АMАLIYOT BIRLIGI TАMOYILI
Mazkur tamoyillarda dastavval oʼquv fanining mazmunini va oʼziga xos xususiyatga bogʼliq holda oʼqish jarayonida amalga oshiriladi. Bu birlik ilmiy bilimlarni puxta oʼzlashtirish va uni amalda qoʼllay olish. Oʼquv materiallarni idrok qilish, aniqlash, shuningdek, uni mustahkam esda saqlab qolish kabi ruhiy jarayon bilan bogʼliq hola bir butun jarayonni tashkil qiladi.
Taʼlim jarayonida oʼquvchi-talabalar tomonidan matematika, tabiiy fanlardan hamda ijtimoiy gumanitar fanlardan oʼzlashtirilgan nazariy bilim koʼnikma va malakalari tajriba xonalari va labaratoriya, zamonaviy texnika vositalari, tajriba yer uchastkalari va ishlab chiqarish mehnati va iqtisodiy munosabatlar jarayonida qoʼllaniladi. Bu mashgʼulotlar ular kelgusida murakkab ilmiy nazariyalari amalda qoʼllana olishlari uchun zarur boʼlgan tajriba bilan qurollantiriladi. Oʼquvchi-talabalar oʼquv materiallarini tub mohiyatini, tabiat va jamiyat taraqqiyoti qonunlarini ilmiy asosda atroflicha toʼgʼri, chuqur tushunib oladilar va kelajakda amaliy faoliyatlari uchun zarur boʼlgan mahorat, koʼnikma va malakalar hosil qiladilar. Shuning uchun ham har-bir mavzuning xususiyatlarini hisobga olgan holda oʼrganilayotgan yangi bilimlarni mumkin qadar amaliyotga bogʼlash uchun jarayonning tamoyili sifatida qabul qilinadi.