O‘zbekiston respublikasi oliy va o‘rta maxsus ta`lim vazirligi nizomiy nomidagi toshkent davlat pedagogika universiteti

IXTISOSLASHTIRILGAN KO’ZI OJIZ VA ZAIF KO’RUVCHI BOLALAR UCHUN “IJTIMOIY MAISHIY HAYOTGA YO’NALTIRISH”
O’QUV DASTURI
Tushuntirish xati
Insonning ko’rish qobiliyatini susayib ketishi yoki ko’rish qobiliyatini butunlay yo’qligi uni ijtimoiy maishiy hayotida maxsus qiyinchiliklar tug’diradi. Ma’lumki, ko’zi ojiz o’quvchini mustaqil hayotga tayyorlash faqatgina oila tarbiyasida emas, balki maxsus internat sharoitida ham qiyin amalga oshiriladi. Ushbu mashg’ulot ko’zi ojiz va zaif ko’ruvchi o’quvchilarni ijtimoiy hayotga moslashuvining boshlang’ich jarayoniga yo’naltirilgan. Bu yo’nalish shu turdagi o’quvchilarni o’z-o’ziga mustaqil xizmat qilishi, atrof muhitdagi insonlar bilan muloqotda bo’lishi va ijtimoiy maishiy sharoitda maxsus metodlar orqali amalga oshirishni o’rgatadi. O’quvchilarning shaxsiy tajribalariga suyangan holda, shuningdek, ularning ko’rish darajasi chuqurligini tahlil qilgan holda har bir o’quvchi uchun alohida pedagogni o’zi yakka tartibda ishlaydi.
Pedagog har bir o’quvchini yakka holda o’rganib, nisbatan qilgan tahlillariga qarab har bir o’quvchiga yakka korreksion yo’nalish belgilaydi.
Ijtimoiy maishiy hayotga yo’naltirish darsi bu – maxsus korreksion dars bo’lib, ushbu dars ko’zi ojiz va zaif ko’ruvchi bolalarning rivojlanish darajasini va kasallik nuqsonlarini inobatga olgan holda o’rgatiladi.

Boshlang’ich sinflarda ijtimoiy maishiy hayotga yo’naltirish darsining asosiy maqsadlari.
Ko’zi ojiz yoki zaif ko’ruvchi o’quvchiga maktab sharoitiga o’rganish, unda ishtirok etish, jamoada o’zini tutish hamda ushbu munosabatlarga nisbatan ijobiy tuyg’u hosil qildirish.
Maktab sharoitida o’quvchilarni ijtimoiy maishiy yo’nalishga o’rgatish atrof muhit va jamoa bilan munosabatlarini to’g’ri yo’lga qo’yish, o’quvchining keyingi mustaqil hayotida mustahkam bazasini yaratadi.
Ijtimoiy maishiy hayotga yo’naltirish bo’yicha o’quv metodlarini tayinlash:

• 
  Maktabgacha bo’lgan o’quvchining tarbiyasi va harakatlaridagi kamchiliklarini to’g’rilash;
  
• 
  O’quvchining uy anjomlariga bo’lgan munosabati, ulardan to’g’ri va aniq, maqsadga muvofiq ravifda foydalanishini yo’lga qo’yish;
  
• 
  Uy jihozlari va turli xil ijtimoiy maishiy predmetlardan foydalanish tajribasini orttirish;
  
• 
  O’quvchilarni maishiy texnika, maishiy xizmat tashkilotlari xizmatlaridan foydalanishga o’rgatish;
  
• 
  O’quvchilarni jamoa joylarida o’zlarini tutish va maishiy xizmat ko’rsatish tashkilotlarida harakatlarini korreksiyalash;
  
• 
  O’quvchilarni o’z-o’zini nazorat qilish, boshqa shaxslar bilan turli xil sharoitlarda muomalada bo’lishga o’rgatish.