O‘zbekiston respublikasi oliy va o‘rta maxsus ta`lim vazirligi nizomiy nomidagi toshkent davlat pedagogika universiteti

Shaxsiy o’z-o’ziga xizmat ko’rsatish – bu biron shaxsning yordamisiz o’quvchi tomonidan bajariladigan bir qator gigiyenik va mehnat faoliyatlarini o’z ichiga oladi.

Jamoa ichida o’z-o’ziga xizmat ko’rsatish – bu o’quvchilarni guruh-guruh bo’lib, bir-biriga yordam ko’rsatishlari va bir-birlariga turli sharoitlar yaratib berishlarini o’z ichiga oladi.

Jamoa mehnati o’quvchilar orasida va ularning ijtimoiy maishiy hayotida muhim o’rin tutadi. Bu ularni o’z-o’zini nazorat qilishi, faoliyatlarini boshqalar bilan kelishilgan holatda amalga oshirishi ularni ichki imkoniyatlarini kengaytiradi; tajriba orttirishlariga sabab bo’ladi; insonlarga bo’lgan to’g’ri munosabat shakllanadi; o’zlarini ko’ngillariga mos biron bir ish topishda asos bo’ladi.
Pedagog bu borada o’quvchiga to’g’ri yo’nalishni tushuntirib berishi va biron bir kasb tanlashida erkinlik yaratib berishi lozim. Shuningdek, pedagog o’quvchiga har bir mehnat faoliyatining texnika xavfsizligi qoidalarini, o’quvchining o’z harakatlari bilan shaxsiy xavfsizligini ta’minlay olishini tushuntirib berishi lozim.
O’quv jarayonini mustahkamlash yo’lida asosiy uchta variant qo’llaniladi:

1. 
   Takrorlash – ya’ni o’tilgan nazariy va amaliy darslarga aniqliklar kiritish va ularni qaytarish.
   
2. 
   Maxsus topshiriqlar – ya’ni o’tilgan darslarni o’quvchi tomonidan biron bir shaxs yordamisiz takrorlashida o’z harakatlarini korreksiyalash o’quvchi uchun o’rganish jarayonini yengillashtiradi.
   
3. 
   Syujetli rolli o’yinlar – ya’ni o’quvchilar orasida bunday o’yinlarni tashkil qilish ularning hulq-atvorlariga, o’zlarini tutishlariga, atrof-muhitga va jamoaga bo’lgan munosabatlarini shakllantiradi va o’quvchilarni o’zlarini to’laqonli insonlar deb his qilishlariga olib keladi.
   

Shu bilan bir qatorda, o’quvchilarga sayohatlar tashkil qilish va shu metod orqali ularga amaliy va nazariy bilimlar berish tartibini yo’lga qo’yish - bu o’quvchilarni o’z imkoniyatlaridan keng foydalanishiga olib keladi.
Ushbu o’quv dasturi va berilgan yo’llanmalar bilan tanishib chiqqan tiflopedagoglar o’z fikr va mulohazalarini RTM maxsus ta’lim bo’limiga bildirishingizni so’raymiz.