O’zbekiston respublikasi oliy va o’rta maxsus ta’lim vazirligi islom karimov nomidagi toshkent davlat texnika universiteti

Скрепер полкалари. Судраб келинган кон жинсини тўғридан-тўғри вагончага юклаш учун махсус платформалар – скрепер полкалари ишлатилади. Уларнинг ҳаракатланадиган (6-расм, а,б) ва кўчириладиган (6-расм, в) турлари бор. Ҳаракатланадиган полкалар одатда металл конструкциялардан йиғилади. Улар вагонча яримскат 2 ларига ўрнатилган қия металл ферма 6 кўринишида бўлади. Ферма эса – тележка рамаси 3, шарнирли олдинги 1 ва ўрта тарнов 5 ва горизонтал юклаш қисмидан ташкил топган. Ферманинг олдинги юк қабул қилиш қисми горизонтга нисбатан 25⁰-30⁰ бурчак остида жойлашган. Юк тўкиш қисмининг охирида арқоннинг йўналишини ўзгартирувчи йўналтирувчи роликлар жойлашган. Тарновнинг олдинги қисми қўлланилаётган скреперга нисбатан 500-600 мм га, ўрта ва юк тўкиш қисми эса – 150-200 мм га кенгроқ бўлади. Олдинги ва ўртадаги қия тарновлар текис пўлат листдан, горизонтал юк тўкиш қисми эса кўндаланг металл полосалардан иборатдир. Горизонталь қисми узунлиги бир вақтда юкланаётган вагончалар сонига боғлиқ бўлади.Харакатланувчи полкалар скрепер лебедкасининг тортиш кучи ёрдамида иш жойига сурилади.
Кўчириладиган полкалар асосан ёғоч брусслардан (6-расм, в) тайёрланиб, горизонталь ва қия майдончалардан иборат. Горизонталь қисмининг ўртасида юк тушириш туйнуги бўлиб, вагонча шу туйнукнинг тагида туради. Бундай полкаларнинг асосий камчилиги забойнинг ҳар 30-40 м да сурилиши билан бузиб, қайтадан қурилади.



6-расм. Скрепер полкалари схемалари
Назорат саволлари:

1. 
   Скрепер қурилмаларининг синфларини тушунтиринг.
   
2. 
   Скрепер қурилмалари турлари ва уларнинг ишлатилиш кўламини тушунтиринг.
   
3. 
   Скрепер қурилмаларининг тузилишини тушунтиринг.
   
4. 
   Скрепер қурилмаси асосий қисмлари тузилишини тушунтиринг.
   

26- маъруза

ЕР ОСТИ ЎЗИЮРАР ТРАНСПОРТ МАШИНАЛАРИ
Маъруза режаси:

1. 
   Ўзиюрар транспорт машиналари турлари;
   
2. 
   Ер ости автотранспорти;
   
3. 
   Ер ости ўзиюрар вагонлари;
   
4. 
   Ўзиюрар машиналарнинг эксплуатацион ҳисоблари.
   

Фойдали қазилмаларни ер ости усулида қазиб олишда ишлатиладиган ўзиюрар транспорт машиналарига автосамосваллар, ўзиюрар вагонлар ва ёрдамчи транспорт воситалари киради.

Ер ости кон лаҳимлари бўйлаб кон жинсларини ташувчи автосамосваллар дизел ёки электр юритмалар ва ағдарилувчи кузов билан жиҳозланган бўлади.
Жадвал-1