O’zbekiston respublikasi oliy va o’rta maxsus ta’lim vazirligi berdaQ nomidagi qoraqalpoq davlat universiteti

Qarag'aynamolar qabilasi — Pinales.
Bu qabilaga faqat 1 ta oila - Qarag'aydoshlar (Pinaceae) kiradi.
Qarag’aydoshlar oilasi —


Pinaceae
Qarag’aydoshlar turlarning soniga ko’ra eng kata oila hisoblanadi. Uning 10 ga yaqin turkumga mansub 250 dan ortiq turi yer yuzining deyarli hamma qitʼalarida keng tarqalgan. Xo’jalik ahamiyati jihatidan ochiq urug’li o’simliklar ichida to’rtinchi o’rinda turadi.
Poyasida yillik halqalar aniq ko’rinadi, traxeoidlarining radial devorida xoshiyali tuynuklar bor. Аksariyat qismi bir uyli, qubbalilari bir jinsli. Changchi qubbalari to’q sariq yoki qizil rangli. Changdonning ostki tomonida mikrosporangiylar ikkitadan joylashgan. Changida mahsus havo bo’shliqlari bor.
Urug’chi qubba markazidan o’tadigan ustunchaning urug’ qipiqlari qoplag’ich qipiqlari qo’ltig’ida, uning ust tomonida esa ikkitadan urug’murtak joylashgan. Urug’I ko’pincha qanotli, ayrim turlarida urug’ qanotsiz likopcha shaklida.
Igna barglilar juda katta xo’jalik ahamiyatiga ega. Xalqning yog’ochga bo’lgan talabini deyarli hammasi shular hisobidan qondiriladi. Qurilish ehtiyojlari, yoqilg’i, qog’oz materiallari, uy-anjomlari uchun ishlatiladigan asbob-uskunalar tayyorlashda ishlatilishidan tashqari, ulardan smola (elim) terpentin, kanifol, skipidar, glyukozidlar va yog’och spirti olishda foydalaniladi. Аyrim turlarining urug’i oziq-ovqat uchun va moy olishda ham ishlatiladi.