O‘zbekiston respublikasi oliy va o‘rta maxsus talim vazirligi ajiniyoz nomidagi nukus davlat pedagogika institutí

Mavzularni mustahkamlash uchun savol va topshiriqlar:
1.Ta`lim mazmunini tavsiflovchi asoslar nimalardan iborat?
2.Uzluksiz ta`lim mazmunini belgilashda integratsiya jarayonlarining ahamiyati bormi?
3.DTS qanday shakllantiriladi?
4.Tamoyilning vazifasi nimadan iborat va uning ta`lim mazmunini belgilashdagi ahamiyati qanday?
5.Fanlar bloklari va .ularning funktsional vazifalari nimalardan iborat?
6.O`quv me`yoriy hujjatlar nimalar?


7-Mavzu.Uzluksiz ta’limda pedagogik nazoratni tashkil etishning ilmiy asoslari.
Reja:
1. Dastlabki test metodining qo‘llanilanishi.
2. Tarbiyalanganlik darajasini aniqlash testlari.
3. Diagnostikada «o‘lchov» tushunchasi.
4. Umumiy o‘rta ta’lim maktablarida pedagogik tashxis qilishning mazmuni.
Shaxslarning tarbiyalanganlik darajasini aniqlash testi
Tarbiya psixologiyasi pedagogik psixologiyaning g`oyat murakkab va kam ishlangan bo`limi bo`lib, keyingi vaqtlarda bunga ko`proq e`tabor berilmoqda. U shaxsni bir butun holda tarkib topishi va rivojlanishiga old ichki (psixologik) mexanizmlarni, shuningdek, uning ayrim xususiyatlarini o`rgatadi.Shaxs faoliyati jarayonida moddiy va ijtimoiy muhitning o`zaro aloqasi jarayonida shakllanib boradi. Faollik bo`lmagan joyda shaxsning qaror topishi va rivojlanishi ham bo`lmaydi. Bunda ijtimoiy aloqalar jamiyat, guruh hamda turli jamoalar hayotiga faol kirishib ketish shaxsni shakllantirishning muhim omillari sifatida maydonga chiqadi. Aniq maqsadni ko`zlagan holda oldindan rejalashtirilgan hamda tashkil etilgan jarayon bo`lishi tarbiya, shaxs va ijtimoiy muhitning o`zaro ta`sir ko`rsatuvchi yo`nalishlari hisoblanadi. Shaxsning shakllanib borish sur`ati unga xos ayrim xususiyatlarning tola va butun holda barqaror paydo bo`lib borish uning mehnatda, o`qishda, o`yinda, muloqotda va yurish-turish madaniyatida yaqqol ko`rinadi. Shuni ta`kidlab o`tish kerakki, faoliyat nima sababdan amalga oshirilishi zarur ekanligini tushuntira olish bilangina har bir ishning rivojlantiruvchi va tarbiyalovchi vazifasi amalga oshadi. Bu fikrni shunday tushunish kerakki, tarbiyalanuvchi ongiga anglab etilgan barqaror va kuchli ichki ehtiros paydo bo`lgandagina amalga oshirilayotgan faoliyat tarbiyalovchi kuchga aylanadi. Xo`sh, tarbiyaning o`zi nima? A. Navoiy fikricha tarbiya, ya`ni «Pedagogika» bola tarbiyasining fanidir. Bolaning salomatligi va saodati uchun yaxshi tarbiya qilmoq, tanini pok tutmoq, yaxshi xulqlarni o`rgatmoq, yomon xulqlardan asrab o`stirmoqdir.
Shaxsni kamol toptirishda axloqiy tarbiyani asosiy hisoblagan sharq olimlari «Insonlarga eng muhim, ziyoda sharaf, baland daraja beruvchi» deb ta`rif berganlar. Tarbiyalanganlikni esa yaxshi va yomon xulqlarning qay darajada shakllanganligi bilan o`lchaganlar. Ushbu testda yaxshi xulqlar turlari, ularning mezonini aniqlash va shular orqali tarbiyalanganlik darajasini belgilashga harakat qildik. Buning uchun yaxshi xulqning turlari, ularning mezonlarini ishlab chiqdik.
Keyingi ish esa har bir shaxsning tarbiyalanganlik darajasini aniqlashdir. Har bir tarbiyachi — o`qituvchi uchun yaxshi xulq, uning mezonini bilish - keyingi faoliyatini tashkil etishda yordam beradi deb o`ylaymiz. Tarbiyalanganlik darajasini aniqlash esa tarbiyalanuvchining kamchilik tomonlarini tuzatishga yordam beradi