O‘zbekiston respublikasi oliy va o‘rta maxsus talim vazirligi ajiniyoz nomidagi nukus davlat pedagogika institutí

Elektron o`quv nashri - bu ta`lim oluvchilar tomonidan egallashi lozim bo`lgan bilimlar, ko`nikmalar va malakalarni ijodiy va faol ravishda o`zlashtirishiga ko`maklashuvchi nashr bo`lib, u ilmiy-amaliy bilim sohasiga mos ravishdagi tizimlashtirilgan o`quv materialini o`z ichiga oladi.
Elektron uslubiy qo`llanma - bu ta`lim-tarbiya jarayonidagi pedagogik tajriba (amaliyot)ni umumlashtirish va uzatish hamda ta`lim-tarbiyaviy faoliyatning yangi modellarini shakllantirish va tarqatishga mo`ljallangan nashr.
Elektron o`quv qo`llanma — bu muayyan fanning o`quv rejasidagi vaqt va o`quv dasturidagi ma`lumot hajmini qisman yoki to`liq qamragan va fanni o`rganishga tegishli ma`lumotni to`liq adaptatsiya qila olgan masofaviy o`qitish va mustaqil o`rganish uchun mo`ljallab tayyorlangan nashr.
Elektron o`quv qo`llanmalar
Multimediali elektron o`quv qo`llanmalar yaratishda zamonaviy axborot texnologiyalaridan kompleks foydalanishning quyidagi jihatlariga asosiy e`tibor qaratiladi:
1.Ichma–ich joylashgan turli bo`g`inlar va rangli bezaklarda gipermurojaatlardan foydalanish.
2.Ma`lumotlarni tasvirlashda turli xil rangli bezaklardan foydalanish.
3.Audio va video effektlar va ularni boshqarishning samarali metodlaridan foydalanish.
Multimedia muhitida elektron o`quv qo`llanmalar ishlab chiqish uzoqmuddatli va katta mablag`larni talab qiluvchi jarayondir. Shuning uchun ham multimedia muhitida elektron o`quv qo`llanmalarni yaratishning barcha bosqichlarini hamda har bir bosqichida qabul qilinishi mumkin bo`lgan qarorlarni oldindan belgilab olish maqsadga muvofiqdir.
Bunda quyidagi bosqichlarni bajarish zarur bo`ladi:
• tanlash bosqichida multimedia muhitida ko`rsatilishi kerak bo`lgan o`quv fani tanlanadi;
• tayyorgarlik bosqichida kurs matnni yozish, ko`rgazmali va ma`lumotli materiallarni tayyorlash, interfeys eskizlarini va o`quv dasturining ssenariylarini yaratish mo`ljallanadi;
• asosiy bosqichda elektron o`quv qo`llanmani bevosita yaratish bo`yicha
ishlar amalga oshiriladi; • yakunlovchi bosqichda elektron o`quv qo`llanmani testdan o`tkazish va maqomiga etkazish ishlari amalga oshiriladi. Bu bosqichda o`quv materialining qurilmasi yoki tuzilmasi ishlab chiqiladi, shuningdek, foydalanuvchi bilan o`zaro aloqa mexanizmi loyihalashtiriladi. Asosiy va qo`shimcha elementlar ajratiladi, axborotli bloklarning ierarxik tuzilmasi yaratiladi. Foydalanuvchi interfeysi, alohida bloklar va ekranlar o`rtasidagi asosiy aloqalar ishlab chiqiladi.Multimediali materiallarni tayyorlashda odatda ikki o`lchamli grafikadan va «Macromedia Flash» dasturiga joyiashtirilgan interaktiv tizim Web-sa`ifalar yaratish uchun ham qulay vosita hisoblanadi. Multimediali elektron o`quv qo`llanmani yaratishda giperment,giperko`rsatgich va ularga tasvir, kod nomi elementlarini kiritish hamda ularni o`zaro bog`lash maqsadida HTML - giperment tahrirlagichdan foydalaniladi.
Multimediali elektron-o`quv qo`llanma quyidagi afzalliklarga ega:
• multimediali elektron-o`quv qo`llanmada o`quv materialining multimedia, giperment, ovoz, elektron doska shakllaridan foydalangan holda taqdim etilishi, o`quvchilarga berilayotgan o`quv materialini chuqurroq va mukammalroq o`zlashtirish, dars mavzusi bo`yicha to`liq tasavvurga ega bo`lish imkonini beradi;
• multimediali elektron-o`quv qo`llanmada berilayotgan ma`lumotlarning harakati, rang, tovush va jonli tasvirlar bilan uyg`unligi mavzuni o`rganishda monoton (bir xil)likka chek qo`yadi;
• o`qituvchi va o`quvchi o`rtasida interaktiv tizim vujudga kelib, bevosita aloqa o`rnatilishi natijasida o`qituvchi dars jarayonida o`quvchilarning faolligiga qarab ularni baholash imkoniyatiga ega bo`ladi;
• multimediali elektron-o`quv qo`llanmada o`qish darajasi va sur`atini o`rganuvchining o`zi tanlash imkoniyati o`qitishni individuallashtirish imkonini beradi;
• multimediali elektron-o`quv qo`llanmaga kiritilgan test topshiriqlari va o`z-o`zini tekshirish uchun savollar o`quvchini o`z-o`zini tez va samarali baholashga va zaruriyatga qarab, tuzatishlar kiritishga imkon beradi;
• olingan bilimlar o`quvchi xotirasida uzoq muddat saqlanib, kerak bo`lganda amaliyotda qo`llash imkoniyatiga erishiladi.