O‘zbekiston respublikasi oliy va o‘rta maxsus talim vazirligi ajiniyoz nomidagi nukus davlat pedagogika institutí

Elektron pochta - bu axborot almashish xizmatini ko`rsatish vositasidir. Undan foydalanuvchi har qanday o`quv muassasasi va hattoki o`z uyida terminal orqali kerakii manzilni ko`rsatgan holda axborot jo`natish mumkin yoki qabul qilib olish mumkin. Buning uchun axborot kompyuterda yuboriladi, u erda esa tegishli manzilning elektron qutisiga fayl jo`natiladi.
Elektron forumlar bu Internet tarmog`i va elektron pochtalardan foydalanib o`tkaziladigan seminarlardir. Seminarning moderizatori ishtirokchilarga materiallarni beradi. Uning mazmun-mohiyatini tushuntiradi, so`ng savol beradi yoki mavzu mazmunini muhokama etadi.Seminar ishtirokchilarini material bilan tanishtiradi, savollarga javob beradi, o`z xulosalarini chiqaradi. Har bir ishtirokchi muhokamada ishtirok etadi. Muhokama natijalari asosida xulosalar chiqariladi. Xulosalar asosida seminar qatnashchisi to`g`ri, yakuniy javobni oladi. Bu esa olgan bilimlarni mustahkamlashga ta`sir etadi.
Elektron shaklidagi o`quv-uslubiy materiallar – bular electron darslik, elektron o`quv qo`llanmalari, elektron kutubxonalar, mos (CD,Flash va h.k.) sig`imdagi audiovizual materiallar, interaktiv o`quv kurslari, kompyuterda hisoblash tajribasini o`tkazish uchun laboratoriya vazifalari, test sinovlarini o`tkazish bo`yicha tizimlar.
O`qituvchilarni o`quv dasturlari va darsliklardan ijodiy foydalanishga yo`llash
O`qituvchi - bu ta`lim oluvchilarni hayotga, ongli mehnatga tayyorlash uchun xalq oldida, davlat oldida, jamiyat oldida javob bera oladigan,yoshlarga ta`lim-tarbiya berish uchun maxsus tayyorgarlikka ega bo`lgan va pedagogik faoliyat bilan kasbiy jihatdan shug`ullanuvchi shaxsdir.O`qituvchi va o`quvchining dasturli faoliyati - bu o`quv jarayonida ahamiyatsiz harakatlarni yo`qotish, samarali o`zaro aloqani taominlash va rejalashtirilgan natijalarga o`z vaqtida erishish jarayonidan iboratdir.Bunda o`qituvchi texnolog-nazoratchi sifatida qatnashadi. Ushbu jarayonda ta`lim maqsadini aniq ifodalab olish muhim ahamiyat kasb etadi.
O`qituvchilar o`z kasbiy faoliyatini olib borishdagi o`quv dasturlari va darsliklardan foydalanishda doimo ularda quyidagi savollarga javoblar bo`lishi kerak:
1. Ta`lim oluvchilar qanday konsepsiya (qarash)ni talqin qilishi va unga amal qilishi kerak?
2. Konseptsiya bilan tanishish uchun ta`lim oluvchilar qanday faoliyatni amalga oshirishi kerak?
3. Ta`lim oluvchilar nimalarni kuzatishlari va yozib borishlari kerak?
4. Ta`lim oluvchilarga qanday ko`rsatmalar berish kerak?
5. Ta`lim oluvchilar axborot yoki kashfiyotlarning qanday turlari to`g`risida fikr yuritishlari kerak?
6. Ularning «kashfiyotlari»ni umumlashtirish uchun men ta`lim oluvchilarga qanday yordam bera olaman?
7. Men ta`lim oluvchilarni qanday boshqarishim va hatto, ularning tushunishlari etarlicha bo`lmasada, ular aniqlashi mumkin bo`lgan narsalarni ularga etkazishdan o`zimni to`xtatib turishim mumkin. Ular konseptsiyani to`g`ri shakllantirish (ifodalash)lari uchun ulardagi mavjud axborotdan foydalanishda Men ularga qanday yordam bera olaman?
8. Agar ta`lim oluvchilar «nima uchun ana shu konseptsiya muhim bo`lib hisoblanadi?» deb mendan so`rashsa, men ta`lim oluvchilarga qanday javoblarni keltirishim mumkin?
9. Ta`lim oluvchilar ushbu konsepsiyaga daxldor bo`lgan avvalgi tajribalarga egadir! Men ushbu konsepsiyani ta`lim oluvchilarning intellektual salohiyati va tajribasi bilan qanday bog`lay olaman?
10. Ushbu konsepsiya ta`lim oluvchilarga muayyan fandan o`zlari uchun foydani ko`rishda yordam berishiga qanday misollar bor? Fan, texnika-texnologiya va jamiyatning o`zaro munosabatlarini tushunishda yordam berishigachi? Fan tarixi va mohiyatiga oid axborot olish uchun ularga yordam berishigachi? Zamonaviy darslikka muammoli vaziyatlarni yuzaga keltiruvchi savollar, masalalar va topshiriqlarni kiritish orqali talabalarda zaruriy bilimni mustaqil izlash va topishga e`tiyoj hamda qiziqish uyg`otish lozim.