O‘zbekiston respublikasi oliy va o‘rta maxsus talim vazirligi ajiniyoz nomidagi nukus davlat pedagogika institutí

Kasb-hunar kollejlari va akademik litseylar o`quv rejalari.
O`quv dasturlari, darslik va o`quv qo`llanmalar tavsiflari va ularni yaratishga yangicha yondashuv
O`quv reja - har bir mutaxassislik bo`yicha malaka va DTSda keltirilgan talablarni taominlovchi muayyan ta`lim yo`nalishi bo`yicha o`quv faoliyati turlari, o`quv fanlari va kurslarining tarkibi, ularni kurs va semestr davomida o`rganishning izchilligi va soatlaridagi qatnashishini belgilaydigan hujjat. O`quv rejasiga kirgan fanlar mazmunini o`quv dasturlari va mavzular rejasi tashkil etadi. O`quv rejasi o`quv shakllarini,o`quv predmetlarining ro`yxatini va hajmini, ularning o`quv haftalari,yarim yilliklari bo`yicha taqsimlanishini belgilaydigan, bo`lajak
mutaxassislarni o`quv predmetlari, kasbiy va umumta`lim tayyorgarligi orasida o`zaro bog`liqlikni ta`minlovchi me`yoriy hujjat.
O`quv fani dasturi ham xuddi o`quv rejasi kabi muhim davlat hujjati bo`lib, unda muayyan o`quv predmeti mazmuni ochib beriladi va o`quv yili davomida ta`lim oluvchilar tomonidan o`zlashtirilishi zarur bo`lgan bilim, ko`nikma va malakalar hajmi ko`rsatiladi. O`quv fani dasturi ta`lim mazmuni, uning ta`lim oluvchilar tomonidan o`zlashtirilishining eng maqbul usullari, axborot manbalari ko`rsatilgan normativ hujjat. O`quv fani dasturlari tegishli ta`lim (umumiy o`rta, o`rta maxsus, kasb-hunar yoki oliy ta`lim) turidagi barcha ta`lim muassasalari uchun yagona, uning talablari toia ravishda bajarilishi majburiydir. Dastur tushuntirish xati, bo`lim va mavzular bo`yicha ajratilgan soatlar hajmi, dastur materiali mazmuni hamda tavsiya etiladigan adabiyotlar ro`yxatidan iborat.
O`quv dasturlari quyidagi tamoyillar asosida tuziladi:
1. Dastur mazmunining ilmiy xususiyatiga egaligi.
2. Dastur mazmunining ijtimoiy-g`oyaviy xususiyatga egaligi.
3. Nazariy g`oyalarning amaliyot bilan birligi.
4. Dastur mazmunining ijtimoiy-tarixiy xususiyatga egaligi va aniq g`oyaga asoslanganligi.
5. Dastur mazmunining muayyan tizimga ega bo`lishi.
6. O`quv predmetlari o`rtasidagi o`zaro aloqadorlik, bog`lanishlarning mavjudligi.
7. O`quv dasturini tayyorlashdagi ta`lim oluvchilarning psixologik va ruhiy xususiyatlarini e`tiborga olish.
Demak, o`quv rejasi va dasturi ta`lim muassasasi ma`muriyati, ta`lim oluvchilar jamoalarining so`zsiz amal qilishlari lozim bo`lgan davlat hujjatlaridir. Ta`lim jarayonini samarali olib borish uchun bularga mos darsliklar tayyorlanadi.
Darslik—DTS, o`quv dasturi, uslubiyati va didaktik talablari asosida belgilangan, milliy mafkura g`oyalari singdirilgan, muayyan o`quv fanining mavzulari to`liq yoritilgan, tegishli fan asoslarini mukammal o`zlashtirishga qaratilgan hamda turdosh ta`lim yo`nalishlarida foydalanish imkoniyatlari hisobga olingan nashr.Demak, darslik bu - muayyan o`quv predmeti mazmunini o`quv dasturida ko`satilgan hajmda, didaktik talablarga muvofiq ravishda batafsil bayon qilingan kitob bo`lib, uning xarakterli xususiyati darslik mazmunining o`quv dasturi mazmuniga mos kelishidir. Darslikdagi material bo`limlar bo`yicha taqsimlanadi. Har bir mavzu, muayyan bob, uning tarkibida bo`lgan bandlar asosida ochib beriladi.