O’zbеkistоn rеspublikаsi оliy vа o’rtа mахsus tа’lim vаzirligi nizоmiy nоmidаgi tоshkеnt dаvlаt pеdаgоgikа univеrsitеti

Математик-статистик метод. Ушбу метод оила, оилавий муносабатлар муаммоларини тадқиқ қилишга доир тажриба-синов ишларининг, умумий ҳолда педагогик тажрибанинг самарадорлик даражасини аниқлаш мақсадида қўлланилади. Унга кўра муаммо ҳолатини ифодаловчи кўрсаткичлар махсус математик формулалар ёрдамида қайта таҳлил этилади. Якуний қиймат тадқиқот самарасини ифодаловчи асосий кўрсаткич ҳисобланади. Замонавий шароитда, педагогик йўналишда, тадқиқотлар олиб боришда Стьюдент, В.П.Беспалько, В.В.Гречихин методларидан кенг фойдаланилмоқда.
Оила, оилавий муносабатлар масалалари бўйича олиб бориладиган илмий тадқиқот ишларининг қуйидаги схема асосида амалга оширилиши кутилган натижага эга бўлишни кафолатлайди: муаммонинг долзарблиги; ўрганилганлик даражаси; тадқиқотнинг мақсади, объекти, предмети, вазифалари, илмий фарази, методлари, методологик асослари, илмий янгилиги, назарий аҳамияти, амалий аҳамияти ва тузилиши.
Демак, оила – ҳаётнинг абадийлигини, авлодларнинг давомийлигини таъминлайдиган, муқаддас урф-одатларимизни сақлайдиган, шу билан бирга, келажак насллар қандай инсон бўлиб етишишига бевосита таъсир кўрсатадиган тарбия маскани саналади. Оиланинг ёш авлод тарбиясида тутган муҳим ўрни бу муҳитда ташкил этиладиган тарбия моҳиятини ўрганишни тақозо этади. Шуни алоҳида таъкидлаб ўтиш жоизки, оила тарбиясини ташкил этишнинг самарали йўллари, устувор тамойиллари, шакл, метод ва воситаларини ўрганувчи фан сифатида “Оила педагогикаси”нинг шаклланиши мустақил ҳаётга қадам қўяётган ёшлар, қолаверса, ота-оналарнинг педагогик билимларини бойитишга хизмат қилади. Ўз навбатида фан ижтимоий, гуманитар, ҳатто, табиий фанлар билан ўзаро боғлиқлик ҳамда алоқадорликда ривожланади. “Оила педагогикаси” фанининг истиқболи бевосита оила, оила муносабатларига оид масалаларда туркум илмий тадқиқотларнинг амалга оширилишига боғлиқ. Бу борадаги илмий тадқиқотларнинг педагогик нуқтаи назардан оқилона ташкил этилиши, кутилган натижаларга эришиш илмий-педагогик методларнинг тўғри танланишига боғлиқ.


2-Мавзу: ЧЕТ ЭЛЛАРДА ОИЛА ПЕДАГОГИКАСИ