O‘zbekiston respublikasi madaniyat vazirligi o‘zbekiston davlat san’at va madaniyat instituti xalq ijodiyoti fakulteti

2.5 Muzaffar Muhammedov (1902-1995)

Moskva teatr studiyasida tahsil ko’rgan, turli yillarda o’zbek davlat musiqa, Alisher Navoiy nomidagi opera va balet, Muqimiy nomidagi musiqali teatrlarda faoliyat ko’rsatib K.Yashin va T.Jalilovning “Gulsara”, “Nurxon”, Xurshid va T.Sodiqovning “Layli va Majnun”, S.Abdulla va T.Sodiqovning “Layli va Majnun”, S/Abdulla va T.Jalilovning “Tohir va Zuhra”, “Alpomish” kabi asarlarini sahnaga qo’ygan atoqli rejissorlardan biri edi.

1928-1930 yillarda Andijon teatrida bosh rejissor sifatida ishlab o’sha yillari adabiy emakdosh K.Yashin, musiqa rahbari T.Jalilov. L.Sarimsoqova, H.Nosirova, M.Azizova, A.Ismatov singari aktyorlar bilan qizg’in izlanishlar olib brogan. Quyida M.Muhammedovning G’.Zafariyning “Halima” asari ustidagi izlanishlari haqida ikki san’atkor esdaliklari beriladi.
«Halima» dramasi ustida repetitsiyalar ham boshlanib ketdi. Men Halimaning yurak dardlarini ifodalaydigan ashulalarini bor vujudim bilan berilib aytardim. Muzika va so’zlar meni bolalik xotiralarim tomon, tug’ilib o’sgan qishlog’im tomon beixtiyor eltar, Hojar opamning qo’ng’iroqday yangroq ovozi, jilg’alarning mayin shildirashi, onamning mungli ashulalari va dutorning dilrabo sadolari Halimaning o’lim oldi­dagi ashulasi bilan qo’shilib ketib, yurakni o’rtaydigan, asablarni qaqshatuvchi yagona ohang kashf etardi... Adashguday bo’lsam, Mu­zaffar Muhamedov muloyimlik va ehtiyotkorlik bilan ogohlantiradi. Men uning ko’nglidagisini darrov tushunaman, yo’lga tushib olaman. Yangi spektaklni rejissorimiz ham, aktyorlar, muzikantlar ham zo’r zavq-shavq bilan tayyorlashar edi. Hammamiz ham shu spektakl bilan yashar edik. Halima rolini tayyorlashimda menga Halima rolining birinchi ijrochisi Mahsuma Qoriyeva ko’p jihatdan ko’maklashdi. Keyin eski shaharga tushib, u yerdagi tanish xotin-qizlar bilan suhbatlashdim, ularning hikoya­lari ham eski turmush yo’sini va eski urf-odatlarni xayolan tasavvur qilishimga yordam berdi. Bizning «Halima» postanovkamiz hamma vaqt zo’r muvaffaqiyat bilan o’tar edi.