O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Mavzu bo‘yicha xulosalar

Ushbu mavzuni to‘liq o‘zlashtirish uchun o‘quvchilar O‘zbekiston Respublikasi Jinoyat-protsessual kodeksi tegishli normalarini hamda mavzuni yoritish doirasida qayd etilgan tegishli Oliy Sud Plenumi qarorlarini, shuningdek protsessual xarajatlarni qoplash tartibiga oid O‘zbekiston Respublikasi Vazirlar Mahkamasi tomonidan qabul qilingan normativ-huquqiy hujjatlarni atroflicha o‘rganishlari lozim.

Muammoli savollar va kazuslar

1. 2009-yil 24-noyabrdagi Oliy Sud Plenumining “Jinoyat ishlari bo‘yicha protsessual chiqimlarni undirish amaliyoti to‘g‘risida”gi 13-sonli qarorini o‘rganib, tahlil qiling.
2. Protsessual muddatlarni hisoblash, uzaytirish va tiklash tartibi qanday? Protsessual muddatlarni protsessual kafolat tariqasida tahlil qiling.
Kazus
Tergovchi tomonidan dastlabki tergov 31-dekabrda qo‘zg‘atilgan jinoyat ishi bo‘yicha dastlabki tergovni keyingi yilning 1-aprel sanasida tamomladi. U ayblov xulosasini imzolash va jinoyat ishini sudga yuborish uchun jinoyat ishi materiallarini prokurorga yubordi. Prokuror jinoyat ishi bilan tanishib, tergovchi tomonidan dastlabki tergov muddatlari buzilganligini ko‘rsatdi.
Prokurorning talabi qonuniymi? Protsessual muddatlar qay tartibda hisoblanadi? Ushbu holatda protsessual muddatlar talabi buzilganmi? Bu vaziyatning huquqiy oqibatlarini muhokama qiling.
XIV BOB. ISHNI SUDGA QADAR YURITISHNING UMUMIY SHARTLARI
(Muallif – yuridik fanlar doktori, dotsent D.Mirazov)


Annotatsiya: mavzuni oʻrganish orqali o‘quvchilar ishni sudga qadar yuritishning shakllarini, tergovga qadar tekshiruvning mohiyatini va uning ahamiyatini tushunishlari, tergovga qadar tekshiruv, surishtiruv va dastlabki tergovning bir-biridan farqini, ularning mazmuni va amalga oshirish tartibini oʻrganib olishlari kerak.