O'zbekiston Milliy Ensiklopediyasi indd

ЧЕЛАК ХАЗИНАСИ - Самарканд 
вилояти (ҳоз. Пайариқ тумани Челак ш.)
даги Челак шаҳар харобасидан топилган 
кумуш буюмлар (1961). Топилмалар 4 та 
кумуш идишдан иборат бўлиб, улардан 
бири — сосонийлар даврига оид. Идиш-
да, шаҳаншоҳ Пероз тасвири туширил-
ган, 2идиш қалин бўлиб, унда бир эфта-
лий зодагонининг тасвири бор. Қолган 
2 идиш юпқа, нозик ишланган бўлиб, 
Суғдда қилинган. Ч.х. мил. 6-а.нинг охи-
ри — 7-а.нинг бошида Суғдда яшаган 
шаҳарликнинг хонадонидан топилган 
бўлиб, бу ерга афтидан бир аср муқаддам 
келиб қолган. Ч.х. СанктПетербургдаги 
Эрмитажда сақланмоқда. 
ЧЕЛЕКЕН — Каспий денгизининг 
шарқий қиргоғидаги ярим орол, Тур-
кманистон ҳудудида. Дастлаб (20-а.
нинг 30-й.ларида) орол бўлган. Каспий 
денгизи сув сатҳининг пасайиши нати-
жасида 1937 й.дан ярим оролга айлан-
ган. Майд. 500 км2. Ер юзаси текислик. 
Марказий кисмида Чухрак қирлари (100 
м) жойлашган. Ч.нинг кўп кисмини 
шўрхоктақирлар, дўнг ва бархан қумлар 
эгаллаган. Иклими қуруқ, ёзи иссиқ, 
қиши нисбатан илиқ. Тупроқўсимлик 
қоплами жиҳатидан типик чўл. Нефть-
газ, озокерит конлари; таркибида йод, 
бром бўлган минерал булоқлар бор, ден-
гиз бўйларида балиқ овланади. Ғарбий 
қисмида (денгиз бўйида) Челекен ш. 
жойлашган. 
ЧЕЛЕСТА (итал. celeste — самовий) 
— пластинкали клавишлиурма мусиқа 
чолғу асбоби. Кичик пианино шаклида 
бўлиб, соддалашган фортепиано меха-
низми ва хроматик созланган пўлат пла-
стинкалар ёки трубкаларга эга. Ч.ни Па-
риждаги О.Мюстель фирмаси чиқарган 
(1886) ва тез орада уни француз, рус ком-
позиторлари симфоник оркестрга кирит-
ган. Диапазони 4 октава (с1— с5). Май-
ин, куйчан (қўнғироқчасимон) товуши 
билан ажралиб туради. 
«ЧЕЛЛЕНЖЕР» - АҚШнинг кўп 
марта учиришга мўлжалланган, борти-
да космонавтучувчиси бўлган транспорт 
космик кемаси. «Спейс Шаттл» транс-
порт космик кема мажмуаси таркибига 
киради. «Ч.»нинг стартолди массаси 2000 
т, уз. 56 м. Экипажи 7 кишидан иборат 
бўлган. Икки босқичли тизим асосида 
учирилган. Кеманинг 1 босқичи қаттиқ 
ёқилғили ракета двигатели бўлган 2 та 
тезлаткичдан иборат, 2босқичи (орби-
тал) бортида астронавт бўлган, қанотли 
бўлиб, орбитадан чиққандан сўнг «само-
лёт» режимида қўниш қобилиятига эга 
бўлган. «Ч.» 1986 й. 28 янв.да ҳалокатга 
учраган.