O'zbekiston Milliy Ensiklopediyasi indd

ЧЎҚМОР - қ. Гурзи. 
ЧЎҚҚИ — тоғ тизмасининг энг ба-
ланд жойи (қ. Тоғ чўққиси). 
ЧЎҒЛАНМА ЛАМПА — электр 
токи таъсирида толаси (сими) чўғланиб 
нур сочадиган ёруғлик манбаи. Ичидан 
ҳавоси сўрилиб, чўғланиш жисми (сим) 
жойланган колба (лампочка)дан иборат. 
Баъзи Ч.л.ларнинг колбаси толанинг тра-
си, яъни нур сочишини яхшилаш учун 
инерт газ билан тўлдирилади. Ч.л.нинг 
толаси спирал, биспирал (икки спи-
рал) ёки триспирал (уч спирал) тарзи-
да ўралган вольфрам симдан қилинади. 
Ч.л. ёнганда толаси 2500—3300 К гача 
қизийди; нур сочиш қуввати 10—35 лм/
Вт; хизмат муддати 1000 соатгача. Даст-
лабки Ч.л.ни 1872 й.да А.Н.Лодигин их-
тиро қилган. 1879 й.да Т.А. Эдисон уни 
такомиллаштирган. Ч.л.лар хоналар ва 
майдонларни ёритишда, кинопроекцион 
аппаратларда, конларда, автомобилларда 
ишлатилади. 
ЧҲАТТИСГАРҲ - Ҳиндистоннинг 
марказий қисмидаги штат. Майд. 135 
минг км2. Аҳолиси 21 млн. киши (2001).
Маъмурий маркази — Райпур ш. 
Штат шарқда Жаркханд ва Орисса, 
ғарбда МадҳьяПрадеш ва Маҳараштра, 
шим. да УттарПрадеш штатлари билан 
чегарадош. Штат 2000 й. 1 ноябрда таш-
кил этилган.
Ч. — аграр штат. Аҳолининг 80% 
қ.х.да банд. Майдонининг 43% ишлана-
ди. Асосий экини — шоли, шунингдек, 
буғдой, маккажўхори, дуккаклилар эки-
лади, зайтунзорлар бор. Боғдорчилик 
ва сабзавотчилик ривожланган. Штат 
ҳудудининг 44% ўрмон. Штатнинг муҳим 
табиий ресурси — ўрмон маҳсулотлари. 
Металлургия саноати, пўлат қуйиш ва 
цемент здлари, машинасозлик, озиқ-
овқат, кимё саноати корхоналари мавжуд. 
Пластмасса ишлаб чиқарилади. Алюми-
ний, кончилик ривожланган. Мамлакатда 
ишлаб чиқариладиган т.й. платформа-
ларининг 100%, цементнинг 20% Ч.га 
тўғри келади. Темир, марганец, олтин ва 
боксит рудалари қазиб олинади. Шунинг-
дек, олмос, берилл, аметист (сафсар), 
александрит ва б. қимматбахр тошлар 
конлари топилган.