6-Мавзу: Микроскопик тахлил. Ёруғлик ва электрон микроскопия усуллари. Микроспопик усулдан фойдаланишнинг амалий имкониятлари

6-Мавзу: Микроскопик тахлил.

РЕЖА:

• Микроскопик текшириш усули аҳамияти ва ривожи.
• Кристаллооптика усули.
• Тахлилда аниқланадиган асосий хусусиятлар.
• Усулнинг афзаллиги ва камчиликлари.

Микроскопик текшириш усули аҳамияти ва ривожи.

Анорганик моддалар кимёси ва технологиясида кимёвий моддаларнинг хоссалари ва сифатини ўрганишда кенг қўлланиладиган қадимий усул микроскопиядир. Микроскопия илмий-текшириш ишлари олиб боришда микроскопни қўллаш ва микроскопик препаратлар ёрдамида жуда кичик, майда, фақат микроскоп билангина кўринадиган зарарчаларнинг специфик хосса-хусусиятларини аниқлашга қаратилган усулдир. У аниқ кимёвий метод-лардан фойдаланиб, жуда оз миқдордаги моддаларни анализ қилиш имконини беради.

Микроскопия усули оптика қонунларига асосланган бўлиб, у ҳақидаги илк маълумотлар эрамиздан аввалги IV-II асрларда яшаган Аристотел, Евклид ва Птолемей асарларида учрайди.

Микроскопия усули оптика қонунларига асосланган бўлиб, у ҳақидаги илк маълумотлар эрамиздан аввалги IV-II асрларда яшаган Аристотел, Евклид ва Птолемей асарларида учрайди.

Катталаштирувчи шиша ёки лупани эса бу усулнинг энг бирламчи ва ўта содда элементи деб қараш мумкин. Эрамизнинг XI асрида яшаган ва Европада Альхазен номи билан аталган араб олими Ибн Аль-Хайтан, XIII асрда тадқиқотлар олиб борган Роджер Бэкон, XVI аср бошида яшаган италиялик рассом Леонардо да Винчи фотометрия назарияси ва амалиётига асос солишди.

Оптика асбобларини кашф этиш ва ясаш эса XVII аср бошларига тўғри келади. Жумладан, 1609 й. италиялик олим Галилео Галилей томонидан катталаштирувчи труба - дурбин, 1611 й. немис олими Иоганн Кеплер томонидан телескоп, 1638 й. У. Гаскойн томонидан окулярли микрометр яратилди.

Майда объектларни кўрсатувчи маъносини англатувчи “микроскоп” термини ҳаётга 1646 й. немис олими А.Кирхер ва поляк астрономи И.Гавелия томонидан тадбиқ этилди. Аммо микроскопия усулининг “отаси” сифатида бутун дунёда голландиялик А.Левенгук ва англиялик тадқиқотчи Р.Гук ҳисобланади.