6-Мавзу: Микроскопик тахлил. Ёруғлик ва электрон микроскопия усуллари. Микроспопик усулдан фойдаланишнинг амалий имкониятлари

Даниялик олим Э.Бартолин томонидан нурни поляризацияга учраши каш-фиёт этилганидан икки аср кейин, яъни 1850 йили англиялик оптик Г.Сорби нурли микроскопда поляризацион нурни ишлатиш мумкинлигини аниқлади. Шу билан нурли микроскоп имкониятлари жуда кенгайди.

Даниялик олим Э.Бартолин томонидан нурни поляризацияга учраши каш-фиёт этилганидан икки аср кейин, яъни 1850 йили англиялик оптик Г.Сорби нурли микроскопда поляризацион нурни ишлатиш мумкинлигини аниқлади. Шу билан нурли микроскоп имкониятлари жуда кенгайди.

Микроскопик тахлилнинг такомиллашиши кристаллографиянинг ривож топишига олиб келди. 1669 йили даниялик олим Н.Стенсен томонидан кристалларда тегишли бурчакларнинг доимийлилиги, 1783 йили эса француз Рене Жюст Гатюи кристаллар тузилишининг умумий назарияси, 1813 йили англиялик кимёгар В.Волластон кристалл панжараси тушунчасини яратдилар. Бу тушунчанинг ривожланиши туфайли 1866 йили француз олими О.Бравэ кристаллар дунёсида 14 элементар ячейкаларнинг мавжудлигини аниқланди. И.Гессель тадқиқотлари туфайли 1831 йилда кристалларнинг 32 симметрияси, 1891 йили эса рус олими Е.С.Федоров ва немес математиги А.Шенфлис томонидан 230 хил симметриянинг фазовий группалари борлиги тасдиқланди.

Кристаллооптика усули.

Табиий ва сунъий кимёвий бирикмалар, хом-ашё, материал ва буюмлар, минерал ва композицияларнинг оптик кўрсатгичларини уларнинг кристалл шакллари, таркиби ва симметрия қонуниятиларига бўғлиқ холда ўрганувчи фан соҳаси кристаллооптика деб аталади. Бу соҳа физика, кристаллография ва минералогия фанлари билан боғлиқдир.

Кристллооптикада кристалл тузилишига эга бўлган силикатлар ва зўрға-суюлувчан материаллардан нур тўлқинларининг ўтиши ходисалари ўрганилади. Унда тадқиқотлар нур ва унинг турли шароитда тарқалишини кузатиш ва тегишли хулоса чиқариш орқали олиб борилади.

Нур тўлқинлари электромагнит тўлқинларидан бирмунча қисқалиги билан фарқланади. Инсон узунлиги 400-760 ммк га тенг бўлган нур тўлқин-ларинигина кўра олади. Электромагнит тўлқинлари электр (Е-Е1) ва магнит (М-М1) тўлқинларидан иборат. Бу тўлқинлар бир-бирига ва шу билан бирга ёруғлик энергиясининг тарқалиш йўналишига перпендикулярдир. Мана шу ёруғлик энергияси тарқаладиган йўналиш нур деб аталади (1-расм).