O'zbekiston Milliy Ensiklopediyasi indd

ЧЕБОКСАРИ (чувашча — Шупаш-
кар) — РФ Чувашия Республикасида-
ги шаҳар, республика пойтахти (1925 
й.дан). Волга дарёсининг ўнг соҳилида, 
Чебоксар дарёсининг Волгага куйилиш 
жойида. Т.й. станцияси, автомобиль 
йўллари чорраҳаси, аэропорт бор. Йирик 
даре порти. Аҳолиси 440,6 минг киши 
(2002). Илк бор 1469 й. солномасида уч-
райди. 1555 й.дан Русь давлати қалъаси. 
Волга бўйининг йирик савдо маркази. 
1781 й.дан Козон губерняси уезд марка-
зи. 1920 й.дан Чувашия мухтор вилояти 
маркази, 1925 й.дан Чувашия Мухтор 
Республикаси пойтахти, 1992 й.дан Чу-
вашия Республикаси пойтахти. Етакчи 
саноат тармоқлари: машинасозлик (элек-
тротехника саноати, приборсозлик, трак-
торсозлик ва б.), енгил (шу жумладан, 
ипгазлама кти); шунингдек, озиқ-овқат 
(сут зди, гўшт кти), қурилиш материалла-
ри саноатлари мавжуд. Иссиқлик электр 
стяси бор. 3 олий ўқув юрти (шу жумла-

---

www.ziyouz.com кутубхонаси
41
дан, Чувашия университети), 5 театр, 4 
музей (ўлкашунослик, бадиий, адабиёт 
ва б. музейлар), филармония, картиналар 
галереяси фаолият кўрсатади.
Меъморий ёдгорликлардан Трои-
ца монастири (16-а.), Введение собори 
(1651), Воздвижение (1702) ва Успе-
ние (1763) черковлари, 17—18-а.ларда 
қурилган турар жой бинолари сақланган.
ЧЕГАРА — қ. Давлат чегараси. 
ЧЕГАРА ДЕЛИМИТАЦИЯСИ – қ. 
Давлат чегараси.
ЧЕГАРА ДЕМАРКАЦИЯСИ – қ. 
Давлат чегараси.
ЧЕГАРА ҚАТЛАМ — суйри жисм-
ларнинг сирти яқинида, канал деворла-
рида ёки суюқликнинг хар хил тезликли, 
трали, ё бўлмаса, турлича кимёвий тар-
кибли икки оқимнинг бўлиниш чегара-
сида суюкдик ёки газнинг оқиш соҳаси. 
Ч.қ. назариясини 1904 й.да Л. Прандтлъ 
яратган. Оқиш режими суюқлик ёки 
газнинг қалинлиги, ташки муҳитнинг 
қандайлиги, суюқлик (ёки газ) тегиб 
турган юзанинг силликлигига боғлиқ. 
Ч. қ.да ёпишқоқлик кучи ҳисобга оли-
нади. Нисбий тезликка эга бўлган икки 
оқимнинг қўшилиши натижасида ҳам 
Ч.қ. ҳосил бўлади ва у эркин қатлам деб 
аталади. Ч.қ.да оқимнинг ламинар (те-
кис) ва турбулент (уюрмали) режими юз 
бериши мумкин. Ламинар Ч.қ. қалинлиги 
турбулент Ч.қ. учун эса формула орқали 
аниқланади.
Ч.қ.да муҳит зарралари тормозланади, 
маълум вақтдан кейин уларнинг кинетик 
энергияси ҳосил бўлган босимни енгиш 
учун етарли бўлмай қолади, бу вақтда 
Ч.қ.да тескари о қи м ҳосил бўлади. 
Суюқлик зарралари дастлаб жисм юза-
сига параллел ҳаракат қилади, тескари 
оким ҳосил бўлиши билан жисм юзаси-
дан узоқдашади. Бу ҳодисани Ч.қ.нинг 
ажралиши дейилади. Ч.қ.да ажралиш 
канча оддин рўй берса, жисмнинг қуйруқ 
қисмида босим шунча кам бўлади. Ч.қ. 
ажралиши билан Ч.қдан ташкарида су-
юклик (газ) окими тубдан ўзгаради. 
Бу, ўз навбатида, жисмга, маc, самолёт 
қанотига қаршилик кучини кўпайтириб, 
кўтариш кучини камайтиради.