O'zbekiston Milliy Ensiklopediyasi indd

ЧАҚИҚ ЖИНСЛАР - чўкинди тоғ 
жинслари; турли тоғ жинслари (магма-
тик, метаморфик ёки чўкинди тоғ жин-
слари) ҳамда минераллар (кварц, дала 
шпатлари, слюдалар, баъзан глауконит, 
вулкан шишаси ва б.) бўлаклари, пар-
чаларидан ташкил топган. Ч.ж.нинг це-
ментлашган, цементлашмаган ва ғовак 
турлари мавжуд. Цементлашган Ч.ж.да 
карбонатлар (кальцит, доломит), кремний 
оксидлари (опал, халцедон, кварц), темир 
оксидлари (лимонит, гётит ва б.), гилли 
минераллар ва б. боғловчи материал ва-
зифасини ўтайди. Ч.ж.да кўпинча орга-
ник қолдиқлар, моллюска чиғаноқлари, 
дарахтларнинг тана ва шохлари ва б. 
бўлади. Ч.ж., асосан, структурали белги 
— жинс бўлаклари, парчалари, зарра-
лар ўлчамига кўра таснифланади: йирик 
чақилган жинслар ёки псефитлар, зарра-
ларининг ўлчами 1 мм дан ортиқ (цемент-
лашмаган жинслар: палахса, ғўлатош, 
чағир тошлар, майда ва йирик шағаллар; 
цементлашган жинслар — конгломерат, 
брекчия, гравелит ва б.); қум жинслар ёки 
псаммитлар, заррачаларининг ўлчами 
1—0,05 мм (қум ва қумтошлар); чангси-
мон жинслар ёки алевритлар, заррачала-
рининг ўлчами 0,05—0,005 мм (алеврит-
лар ва алевролитлар); гилли жинслар ёки 
пелитлар зарраларининг ўлчами 0,005 
мм дан кам (гиллар, аргиллитлар ва б.) 
бўлган жинсларга ажратилади. Ч.ж.га 
вулкан жинслари ҳам киради. Олтин, 
платина, қимматбаҳо тошлар сочмалари, 
қалай, вольфрам минераллари, камёб ва 
радиоактив элементлар даре ва денгиз 
кумларида учрайди. Ч.ж.дан қурилиш 
материали сифатида, қумдан — шиша ва 
металлургия саноатида фойдаланилади. 
ЧАҚМОҚ — атмосферада юз бера-
диган учқунли электр разряди. Булутлар 
билан булутлар орасида ёки будутлар 
билан ер орасида ҳосил бўлади. Ч. ҳосил 
қилувчи 
момақалдироқ 
булутининг 
электр зарядлари 10—100 Кл бўлиб, унга 
сабаб электр зарядларининг бирбирига 
таъсирлашувидир. Ч. чаққанда атроф бир 
зум ёришиб кетади. Узунлиги бир неча 
км, диаметри бир неча ўн см, давомийли-
ги секунднинг ўнларча улушига тенг, ток 
кучи 100 кА гача бўлиши мумкин. Бундай 
чизикли Ч. билан бирга баъзан шарси-
мон Ч. ҳам чақади. Ч., асосан, баҳор ва ёз 
фаслларида кузатилади. Момақалдироқ 
билан бирга юз беради (яна қ. Яшин).