O‘zbek adabiyoti kafedrasi o‘zbek adabiyoti fanidan 1-kurs talabalari uchun

Mavzu bo`yicha savol va topshiriqlar:
Noma janrining shakllanishi haqida nimalarni bilasiz?
Xorazmiy va uning adabiy merosi haqida nimalarni bilasiz?
“Muhabbatnoma”da qanday masalalar yoritilgan?
Asarda qanday obrazlar bor?
“Muhabbatnoma”ning badiiyati deganda nimalarni tushunasiz?
S.Saroyi yashagan davr qanday edi?
S.Saroyining adabiy merosi nimalardan iborat?
“Guliston bit –turkiy”ning tuzilishi va undagi masalalar haqida nimalarni bilasiz?
“Muhabbatnoma”ni to`liq o`qing va 20-30 misra yod oling.
“Guliston bit –turkiy” va “Suhayl va Guldursun” dostonini o`qing.
Glossariy
Avraq – o`rdak abushqa – qari, keksa
Amo –cho`ri ar –er
Arqish – karvon arig` - sof, toza
Adu –dushman adno- past
Badr – to`lin oy bed - tol
Bodiya – cho`l bulun – asir
Burhon – dalil,hujjat bo`qov – kishan
Jad – bobo jud - saxiylik
Yoy – yoz zindiq – xudosiz
Ibriy – yahudiy izi – Xudo
Yo`llug` - omadli kalaz – chumchuq
Kabir – katta koj -tarsaki
Kub – xum kuzak –kuyov
Ko`luk – ulov mutrib – cholg`uvchi
Navha – yig`i-sig`i sahl – yengil
Nigin – uzuk nor – o`t, olov
Rikob –uzangi shilon –ziyofat
Qamug` -hamma hulla – sarupo

Ansor – ko`makchilar,safdoshlar. 662 yili Makkadan Madinaga ko`chib borganlarga yordam bergan,islomni qabul qilgan madinaliklar

Zabur – Islomda Dovud payg`ambarga Olloh tomonida nozil qilingan kitob
Zamzam – Makkada Ka’ba yaqinidagi musulmonlar muqaddas hisoblaydigan quduq
Kan’on – Livanning milloddan avvalgi nomi, Ya’qub payg`ambar hukmronlik qilgan mamlakat
Masjidi aqso – Quddus shahridagi masjid

Mavzu bo`yicha testlar:

1.X.Minnegulov S.Saroyi ijodining o’rganilishi haqida kitob yozadi.Ushbu kitobning tuzilishini aniqlang.

A.muqaddima va 4 bo’limdan B.muqaddima,xotima, 6 bo’limdan
C.muqaddima va xotimadan D.muqaddima va 6 bo’limdan
2.. Qaysi kitobning xotimasi “g`azal”, “Munojot”, “qit’a”, “Xotimatul kitob”, “Hikoyat”, “Iltimosin aytur” kabi sarlavhalardan iborat?
A. “Dahnoma” B.”Muhabbatnoma” S. “ Latofatnoma” D.”Taashshuqnoma”
3.”Muhabbatnoma”dan olingan quyidagi parchada qanday badiiy san’at qo’llanilgan?
Bo’yung sarv-u sanobartek beling qil,
Vafo qilg’on kishilarga vafo qil.
A.Tashbeh san’ati B.Tashxis san’ati S.o’xshatish san’ati D.Jinos san’ati
4.”Muhabbatnoma”dan o’rin olgan Muhammad Xojabek madhiga atalgan misralar ahamiyatga ega.Shu tasvirga ko’ra Muhammad Xo’jabeksiz Jonibek mulki nimaga o’xshatiladi?
A.oysiz qorong’u kechaga B.jonsiz tanaga
C.gul-u rayhoni yo’q tuproqqa D.quyoshi yo’q kunduzga
5.”Muhabbatnoma”qaysi bahrda yozilgan?
A.ramali musaddasi maqsur B.hazaji musammani mahzuf
C.ramali musammani mahzuf D.hazaji musaddasi mahzuf
6. “Gulistoni bit-turkiy”ning 7-bobi nima haqida?
A. Suhbat odobi haqida B. Ishq dag`i yigitlik haqida S. Qanoat fazilati D. Tarbiyat ta’siri haqida
7.Sa’diyning “Guliston” asari qachon yozilgan?
A. 1251-yil B.1256-yil C.1258-yil D.1261-yil
8.”Suhayl va Guldursun” dostonining hajmi qancha?
A. 82 bayt B. 164 bayt C. 514 misra D. 204 misra
9. “Naqshbandiya ta’limoti va o`zbek adabiyoti” kitobining muallifi kim?
A. A.Hayitmetov B.S.Olim C.N.Jumaxo`ja D.Yo. Ishoqov