«органик кимё»

Тажриба №6. Бромнинг этиленга бирикиши
Реактив ва материаллар: бромли сув, пробирка.
Ҳосил қилинаётган этилен газ ўтказгич най орқали бромли сув қуйилган пробиркага туширилади. Бромли сув рангсизланади, чунки бром қўшбоғ ҳисобига бирикиб, дибромэтан ҳосил бўлади:

1,2-диброметан

Тажриба №7. Этиленни оксидлаш
Реактив ва материаллар: калий перманганатнинг 10%ли эритмаси, 1%ли сода эритмаси; пробирка.
Ажралиб чиқаётган этиленни озгина сода қўшилган калий перманганат эритмаси (2мл) орқали ўтказинг, натижада эритманинг ранги йўқолади, чунки сувда эрувчан рангсиз этиленгликол ҳосил бўлади. Ҳосил бўладиган қўнғир рангли иккиламчи маҳсулот марганец-(IV)-оксид кристалларидир. Бу ранг эритмага ҳам таъсир этган бўлиши мумкин:




Тажриба №8. Этиленнинг ёниши
Реактив ва материаллар: ҳосил бўлаётган этилен; тигел.
Най учидан чиқaётган этилен ёндирилади. Этиленни ёндираётганда, унинг алангаси метан алангасига қараганда равшан бўлишига аҳамият беринг. Этилен алангасига киритилган тигел қоракуя билан қопланади.
Тажриба №9. Ацетиленнинг ҳосил қилиниши
Реактив ва материаллар: кальций карбид бўлакчалари, стаканда сув, пробиркалар.
Пробиркага 2-3 мл сув қуйиб, устига кальций карбиднинг кичик бўлакчасидан 1-2 дона ташлаб, тезда пробирканинг оғзини найли тиқин билан беркитинг. Газ ўтказгич най устига тўнкарилган пробиркада ацетилен йиғилади. Бир оздан сўнг пробиркага йиғилган
газни ёқинг. Бунда ацетилен дуд чиқариб ёнади. Шундан кейин ацетиленни най учидан чиқаётган вақтида ёндиринг. Ҳаво етарли бўлганда ажралиб чиқаётган ацетилен жуда равшан аланга бериб ёнади. Ацетиленнинг ёнишини метан ва этиленнинг ёниши билан таққосланг.






Тажриба №10. Ацетиленга бромнинг бирикиши
Реактив ва материаллар: ҳосил бўлаётган ацетилен, бромли сув, пробирка.
П

робиркага 2-3мл бромли сув солиб, ундан ацетилен ўтказинг. Узоқ вақт ацетилен ўтказилганда, учбоғ ҳисобига бром бирикиб, тетрабромэтан ҳосил бўлади. Бромли сув аста-секин рангсизланади: