«органик кимё»

Тажриба №1. Моддаларни кристаллаш
Асбоб ва реактивлар: бензой кислота, ацетанилид ёки сульфанил кислота, 50 мл-ли кимёвий ўтга чидамли стакан, электр плита (ёпиқ), штатив, воронка, фильтр қоғоз.
Иш тартиби: Тозаланмаган, ацетанилид, сульфанил кислота ёки бензой кислотасидан 1г тарозда тортиб олиб, 50 мл стаканга солинг. Устига оз-оздан сув қуйиб аралаштириб туринг ва қайнагунича эхтиёткорлик билан қиздиринг. Модданинг ҳаммаси эриб кетгунча сув қуйишни давом эттиринг (15-20 мл) ва қайноқ эритмани фильтр қоғозли воронкадан ўтказинг.
Фильтратни сув жўмраги тагида совутинг ва ҳосил бўлган кристаллни Нутч-фильтри ёрдамида ажратинг, сўнг қуритинг.
Қуритилган кислотани тарозда ўлчанг. Тоза олинган кислотанинг чиқимини ҳисобланг.
Тажриба №2. Атмосфера босимида ҳайдаш
Асбоб ва материаллар, реактивлар: бензин ёки бензол ва толуол аралашмаси; Вюрц колбаси, термометр, совитгич, алонж, йиғгич колбаси-3та (25 мл дан), электр плита. Расмдагидек асбобни йиғинг.

Атмосфера босимида ҳайдаш учун қурилма

Колбага 20-30мл бензин ёки бензол ва толуол аралашмасидан, шунингдек бир неча дона чинни бўлаги («қайнатар») дан солинг. Электр иситгичда колбани бир меёрда қиздиринг. Киздириш ҳайдалаётган дистиллат йиғгич идишга минутига 20-30 томчидан тушиб турадиган даражада давом эттирилсин.
Температура аралашмадаги бирон модданинг қайнаш интервалига йетгач (0⁰C-60⁰C) биринчи фракция йиғгичга ўта бошлайди. Ундан юқори температурада (60⁰C-85⁰C) иккинчи фракция йиғиб олинади. Сўнг йиғгич яна алмаштирилиб (85⁰C-110⁰C), учинчи фракция йиғиб олинади. Ҳайдаш колбасида 4-5 мл суюқлик қолганда қиздириш тўҳтатилади. Ҳар бир фракциянинг миқдoрини ўлчанг, уларнинг дастлабки аралашма миқдoрига нисбатан процентини топинг. Қoлдиқнинг процент миқдорини аниқланг.

№	Фракция	Ҳайдалиш температураси, ^0C	Хажми,мл	%
1.	1-чи фракция	0^0C-60^0C
2.	2-чи фракция	60^0C-85^0C
3.	3-чи фракция	85^0C-110^0C
4.	Қолдиқ	-