O’quv darslik

Vaziyatli masalalar
1. Poliklinikaga uchta uzoq safardan qaytgan dengizchi murojat qildi. Ularning 
shikoyatlari uyquchanlik, befarqlik, ko‘zlarida qichishga o‘xshash alomatlar 
borligi, terida qichish. Ularning ikkitasini yuz terisi qizargan, qurishgan, bo‘yni 
va ko‘kragida qizil dog‘lar borligi aniqlangan. Dengizchilarning so‘zlariga ko‘ra 
ular uzoq vaqt baliq mahsulotlari shu jumladan treska balig‘ining jigarini 
iste’mol qilganlar.
Savol:
Ushbu belgilarni kelib chiqish sababini ko‘rsating. Qanday yordam 
choralari qo‘llaniladi? 
2. 18-yoshli be’mor endokrinologiya bo‘limiga ko‘ngil aynash, bosh og‘rig‘i , 
uyquning buzilishi, umumiy holsizlik, jizzakilik kabi shikoyatlar bilan murojat 
qilgan. Qonida kalsiy miqdori oshganligi, to‘qimalarda kalsinoz mavjudligi 
aniqlangan. Kasallik anamnezidan ma’lum bo‘lishicha be’mor osteoporoz 
xastaligidan 
davolangan. 
Savol:
Qaysi preparat bilan davolangan? Davolashni belgilang. 
3. “D” dori-darmon preparatini uzoq vaqt qabul qilib yurgan kichik yoshdagi 
bolada 
to‘satdan 
qaltirash 
boshlandi.
Savol:
Bu qaltirash kelib chiqishining sababi nimada? Bu holatda zudlik bilan 
yordam berish uchun nima qilish kerak? 
4. Surunkali erozif gastrit bilan og‘rigan be’morga darmon-dori berildi. 
Darmon-dorining ijobiy ta’sirini sezgan be’mor shifokor bu dorini to‘xtatishni 
buyurganiga qaramay dorini qabul qilaverdi. Vaqt o‘tishi bilan be’morda 
uyquchanlik, apatiya, yuz giperimiyasi, keyinchalik teri ko‘chib tushishi, 
ekzema, vaqti-vaqti bilan qayd qilish, jigarda o‘qtin-o‘qtin og‘riq boshlandi. 
Savol:
Be’mor qanday preparat qabul qilgan? Dorining nojo‘ya ta’siriga sabab 
nima? 
5. Be’mor stomatologga tilidagi og‘riq va sintomitsin emulsiyasi ham ta’sir 
etmagan, uzoq davom etgan og‘iz, burun atrofidagi teri yorilishidan shikoyat 

---

- 672 -
qiladi. 
Savol:
Shifokor darmon dori preparati tayinlaydi, u qanday preparat edi? 
6. Teri volkanchasiga uchragan be’morga davolash kompleksida darmon dori 
preparati tayinlandi. Davolash yaxshi samara berdi, lekin navbatdagi tekshiruvda 
peshobda gialin silindrlari, oqsil, leykotsitlar, qonda kalsiy miqdorining 
ko‘payishi 
aniqlandi. 
Savol:
Be’morga qaysi preparat tayinlangan edi? Kasallik asoratlariga sabab 
nima? U asoratlarni yo‘qotish uchun be’morga nima berish kerak? 
7. Be’mor shifokorga chakkadagi qattiq og‘riq, yuqori va paski jag‘lardagi 
og‘riqlar, bu og‘riqlarga og‘riq qoldiruvchi vositalar ta’sir etmaganligi 
yuzasidan murojat qildi. Shifokor uchlamchi nerv yallig‘lanishi deb tashxis 
qo‘yadi va uchta darmon dori preparatini tayinlaydi. Be’mor o‘zini yaxshi his 
eta boshladi, lekin tez orada qichima, terining qizarishi, burun shilliq bezlari 
faoliyati kuchayishi, ko‘zdan yosh oqishi, bosh og‘rig‘i paydo bo‘ladi. 
Savol:
Be’morga qanday preparatlar buyurilgan edi? Asoratlar chiqishiga sabab 
nima? Bunga qarshi qanday preparat qabul qilish kerak?