O’quv amaliyot mashg’ulotining o’qitish texnologiyasi 9 – Mavzu

O’qitish usullari.
B.BX.BO., suhbat
O’quv faoliyatini tashkil etish shakli	Yakka tartibli va guruhli ish
O’qitish vositalari	Ma’ruza matni
O’qitish sharoiti.	Jihozlangan o’quv xona
Qayta aloqaning usul va vositalari	Og’zaki: savol – javob

O’quv mashg’ulotining texnologik xaritasi

Ish bosqichlari va vaqti	Faoliyat mazmuni
	O’qituvchi	O’quvchi
1-o’quv mashg’ulotiga kirish (10 daqiqa)	Tashkiliy qism: 1.1 Davomat olinadi. Tayanch bilimlarni faollashtirish: 1.2 Uyga vazifa tekshiriladi. Maqsad va vazifani belgilash: 1.3 O’quvchilarda BKM elementlarini shakllantirish.	Darsga tayyorlanadilar. Savollarga javob beradilar Yangi bilimlarni o’rganish.
2- bosqich Asosiy (210 daqiqa)	2.1 O’quv amaliyoti mavzusi og’zaki tarzda bayon qilinadi. 2.2 Konspekt yozdiriladi. 2.3 Mavzuni savol- javob tarzda mustahkamlanadi.	Tinglaydilar. Yozib oladilar. Savollarga javob beradilar.
3-bosqich yakuniy (10 daqiqa)	Mashg’ulot yakuni 3.1 O’quvchilar baholanadi Uyga vazifani berilishi: 3.2 Mavzuni o’qib kelish.	Uyga vazifani yozib oladilar.

9 – Mavzu: Hazm sistemasi va jigar patologiyasini o’rganish. Ayiruv va jinsiy organlar hamda ichki sekretsiya bezlari patologiyasini o’rganish.
Reja:

1. 
   Hazm sistemasi va jigar patologiyasi.
   
2. 
   Ayiruv va jinsiy organlar patologiyasi.
   
3. 
   Ichki sekretsiya bezlari patologiyasi.
   

Hazm sistemasi patologiyasi
Oziqa qabul qilish, uning parchalanishi va o’zlashtirilishi murakkab fiziologik jarayon bo’lib, hazm sistemasining turli qismlari o’ziga xos xususiyatga egadir.
Stomatit og’iz bo’shlig’ining ko’p uchraydigan kasalliklariga kiradi.
Stomatit (yunoncha stoma – og’iz) – og’iz bo’shlig’i shilliq pardasining yallig’lanishi bo’lib, dag’al ozuqalar, begona jismlar, kuyish, kuchli qo’zg’atuvchi moddalarni iste’mol qilish hamda ba’zi bir infeksion kasalliklardan hosil bo’ladi. Ko’pincha kataral stomatit uchrab, u shishish, giperemiya, ba’zan o’g’iz bo’shlig’i shilliq pardalariga qon quyilishi bilan namoyon bo’ladi. Og’ir kataral stomatitlarda shilliq pardalar epiteliy to’qimasining kuchli ajralishi, shilliq parda yuzasida eroziya va yara hosil bo’lishi (singan, kuygan, qoramollar o’lati va b.) nilan kuzatiladi. Oqsil kasalligida tilda, milkda va lunj ichki yuzasida qavariq (aftalar) hosil bo’ladi.
Og’iz bo’shlig’i shilliq qavati yuqori regeneratsiya qobiliyatiga ega va uning shikastlanishlari nisbatan tez bitadi, chunki so’lak tarkibida bakteriotsid va bakteriostatik ta’sir etish xususiyatiga ega bo’lgan “lizotsim” bo’ladi. Chaynash natijasida hayvon ozuqani maydalaydi va bir vaqtda ozuqaga so’lak shimilishi yuzaga keladi. Chaynash buzilishi og’iz bo’shlig’ining shilliq pardalarini shikastlanishidan hosil bo’lgan og’riqda, asosan, tishlarning tuzilishini, shaklini o’zgarishi, tishdagi yetishmasliklar yoki jag’ va chaynovchi muskullarning shikastlanishidan yuzaga keladi.
Kavsh qaytaruvchi hayvonlarda ko’pincha me’da oldi bo’lmalari (me’da oldi bo’lmalari timponiyasi va katta qorin atoniyasi, qatqorinda ozuqani ko’p to’planishi, me’da oldi bo’lmalariga begona jismlarni tushib qolishi va b.) o’zgarishlar ko’p uchraydi.