O’quv amaliyot mashg’ulotining o’qitish texnologiyasi 9 – Mavzu

Preputsiya xaltasining yallig’lanishi balanopostit, deb ataladi.
Uning sabablari:

1. 
   Fimmoz – preputsiya teshigining jinsiy a’zoni teshikdan chiqarilishiga imkon bermaydigan tug’ma kamchiligi (torayishi); preputsiya xaltasida to’planib qoladigan smega (preputsiya terisining ajratmalari) va preputsiya xaltasida ushlanib qolgan siydik, mikroorganizmlar rivojlanishi uchun qulay sharoit bo’lganligi uchun preputsiya va jinsiy a’zoning og’ir yallig’lanishi, ba’zan esa ularning nekrozi yuz beradi.
   
2. 
   Parafimmoz (sirtmoq) – preputsiya shishib ketganligidan jinsiy a’zoning preputsiy ichiga chiqarish imkoniyasi yo’qligi, jinsiy a’zoni preputsiya tomonidan qisilishi uning yallig’lanish va nekroziga olib keladi.
   
3. 
   Qoniqarsiz saqlash, noto’g’ri jinsiy qo’shilish va jinsiy a’zo jarohatlari natijasida erkak hayvon tashqi jinsiy a’zolarining yallig’lanishlari paydo qiladi.
   

Erkak hayvonlar jinsiy a’zolari majruhliklari ular yaxshi rivojlanmagan matak yoki giperplaziyaga uchragan va jinsiy a’zo noto’g’ri shaklga ega bo’lgan paytlarda kuzatiladi.
Urg’ochi hayvonlar jinsiy organlari kasalliklari
Urg’ochi hayvonlar jinsiy organlari kasalliklari tuxumdonlar, bachadon, qinning patologik holatlari va sut bezining jinsiy faoliyat bilan funksional bog’liq bo’lgan kasalliklaridan iborat bo’ladi.
Tuxumdonning atrofiyasi, asosan, qari hayvonlar va qisman o’ta to’yimli ratsionda saqlanga g’unajinlarda kuzatiladi. Ko’pincha tuxumdonlarda ichi o’z tarkibiga ko’ra, follikular suyuqlikka o’xshash suyuqlik bilan to’lgan pufakcha – kistalar, shuningdek, normal ovulyatsion siklni to’xtatib turadigan turg’un sariq tanachalar uchraydi.
Tuxumdonning yallig’lanishi unga infeksiya tushishi (o’pka sili paytida) yoki bachadon va qorin pardadan tarqalgan yallig’lanish asorati oqibatida ikkilamchi jarayon sifatida rivojlanadi.