O‘pka to‘qimasini zichlashish sindromini mexanizmi

Davolash.
O‘pka absessiga chalingan bemorlar konservativ va jarrohlik usuli 
bilan davolanadi. Konservativ davolash o‘z ichiga: yotoq tartibi, postural drenajdan 
foydalanish (bemorni kuniga 2–3 marotaba 10–30 daqiqaga balg‘am yaxshiroq 
ko‘chadigan holatda joylashtirish) va antibiotiklarni tayinlashni oladi. Aerob 
mikroorganizmlar aniqlanganda yarimsintetik penitsillinlar – oksatsillin kuniga 3–
8 g, sefalosporinlar – sefazolin (kefzol, sefamezin) kuniga 4–6 g dan tayinlanadi. 
Anaerob mikroflora topilganda katta dozadagi penitsillinlar – kunda 50 000 000 
birlikda parenteral, levomitsetin kunda 4 marotaba 1 g dan mushak orasiga 
yuboriladi. Organizmning qarshiligini oshirish uchun qon, plazma va oqsil 
preparatlarini qayta quyish, ko‘rsatmalar bo‘lganda – antistafilokokk gamma – 
globulin yuborish tavsiya etiladi. 
Absess bo‘shlig‘ini tabiiy drenajlash yetarli bo‘lmaganda yiringni faol 
aspiratsiyasi va bo‘shliqni antiseptik eritmalar bilan yuvish, unga antibakterial 
vositalarni yuborib davolash bronxoskopiyalari o‘tkaziladi. Bo‘shliq katta 
bo‘lganda va periferik joylashganda transtorakal punksiya qilish mumkin. 
Asoratlangan shakllarida (o‘pkadan qon ketganda) hamda konservativ davolash 
samarasiz bo‘lganda radikal jarrohlik amaliyoti o‘tkazish tavsiya etiladi. 

---

O‘pka absessining
 
profilaktikasi
o‘tkir zotiljamni sinchkovlik bilan davolash, 
og‘iz bo‘shlig‘i, burun-halqum va bronxlardagi infeksiya o‘choqlarini sanatsiya 
qilish, turli moddalar va jismlar aspiratsiyasi ehtimolini oldini olish, surunkali 
alkogolizm bilan kurashishdan iborat. 
BRONXOEKTAZ KASALLIGI 
Bronxoektaz 
kasalligi
 
(morbus 
bronchoectaticus) 
– nafas tizimi 
kasalliklaridan biri bo‘lib, bronxoektazlar shakllanishi 
(65-rasm)
va keyinchalik 
ularda surunkali yiringli jarayon rivojlanishi xos. Turli ma’lumotlarga ko‘ra uning 
aholi orasida tarqalishi 0,3–1,2 % ni tashkil qiladi. Kasallik ko‘p hollarda 
go‘daklik va o‘smirlik davrlarda rivojlanadi (5–25 yosh).