Oliy va o‘rta maxsus ta’lim vazirligi o‘zbekiston milliy universiteti

Rasmiy - ish uslubi — funksional uslubning bir turi bo‘lib, u rasmiy (ish-idoraga xos) leksika va frazeologiyaga egaligi, so‘zlarning to‘g‘ri, nomlovchi ma’nosida qo‘llanishi, bir qolipdagi iboralarning, amal- mansab atamalarining keng ishlatilishi, ekspressiv nutq vositalarining deyarli yo‘qligi kabi belgilari bilan ajralib turadi.

Sinonimiya — til birliklarining (so‘zlar, iboralar va b.) bir xil denotativ ma’noga ega bo‘lishi: Leksik sinonimiya. Frazeologik sinonimiya. Affiksal sinonimiya. Sintaktik sinonimiya.

Sintaktik aloqa — so‘z birikmasi hamda gap qismlarining o‘zaro bog‘lanishi. Sintaktik aloqaning ikki turi farqlanadi: 1) teng aloqa; 2) tobe aloqa.

Stilistika — uslubshunoslik. Uslubiyat.

Sun’iy til — tabiiy(bor bo‘lgan) tillar unsurlaridan xalqaro aloqa uchun yordamchi vosita sifatida yaratiladigan til: Esperanto, interlingva, ido va b.

So‘z — leksemaning nutqda muayyan shakl va vazifa bilan voqelangan ko‘rinishi. O‘z tovush qobig‘iga ega bo‘lgan, narsa-hodisalar haqidagi

tushunchani, ular o‘rtasidagi aloqani yoki ularga munosabatlarni ifodalay oladigan, turli grammatik ma’no va vazifalarda qo‘llanadigan eng kichik nutq birligi.