Oliy va o‘rta maxsus ta’lim vazirligi o‘zbekiston milliy universiteti

Kasb-hunar leksikasi — ma’lum kasb-hunar kishilari guruhiga xos, shular nutqida ishlatiladigan leksika: bigiz, sari, poshna, dastak, dazgil so‘zlari kosiblikka oid so‘zlardir.

Kontekst — nutqiy matn.

Kundalik leksika — kundalik hayotga oid narsa-hodisalarni bildiruvchi so‘zlar: uy, ko‘cha, choy, ishlamoq…

Lahja — mahalliy dialektning bir necha shevadan iborat guruhi.Sheva.

Leksema — tilning lug‘at tarkibiga xos birlik; til qurilishining lug‘aviy ma’no anglatuvchi unsuri.

Leksika — 1. Tilning lug‘at tarkibi: O‘zbek tili leksikasi. 2.Lug‘at tarkibining qo‘llanish sohasi, uslubiy belgisi, kelib chiqishi kabi turli jihatlardan yondashib ajratiladigan guruhlari. Og‘zaki nutq leksikasi. Ijtimoiy-siyosiy leksika.O‘zlashma leksika. Ekspressiv leksika. Oybek asarlari leksikasi.

Leksikologiya— tilshunoslikning tilning lug‘at tarkibini o‘rganuvchi bo‘limi. O‘rganish obyekti, vazifasi nuqtayi nazaridan leksikologiya uch turga bo‘linadi: 1) tarixiy leksikologiya; 2) tasviriy leksikologiya;

3) qiyosiy leksikologiya.

Matal — hayotiy voqelikni ixcham shaklda emotsional-ekspressiv baho bilan tasvirlovchi ifodalar. Matallar nutqda hukmning qismi vazifasida bo‘lishi, hamma vaqt ko‘chma ma’no anglatishi kabi xususiyatlari bilan maqollardan farqlanadi: Tuyaning dumi yerga tekkanda.

Matn — yonma-yon harflar, yozuv orqali aks ettirilgan nutq, umuman, nutq parchasi: tekst.