Oliy va o‘rta maxsus ta’lim vazirligi o‘zbekiston milliy universiteti

So‘zlashuv uslubi — funksional uslubning bu turi o‘ziga xos ish ko‘rish sharoiti bilan, intonatsiya vositalari, mimika, imo-ishora kabilardan keng foydalanishi bilan, oddiy leksik va frazeologik birliklarning keng ishlatilishi va shu kabi xususiyatlari bilan ajralib turadi.

Tabiiy til — haqiqiy ma’nodagi, ya’ni fikr alishuv quroli sifatida avloddan avlodga o‘tib kelayotgan til.

Talaffuz — nutq tovushlarining aytilishi: to‘g‘ri talaffuz, adabiy talaffuz.

Termin — fan, texnika va boshqa sohaga oid narsa haqidagi tushunchani aniq ifodalaydigan, ishlatilish doirasi shu sohalar bilan chegaralangan so‘z yoki so‘z birikmasi; atama.