Олий ва ўрта

2.Чалқанча крол усулида сузиш техникаси
Гавда ҳолати. Чалқанча сузгандай елка таздан анча баланд жойлашади. Сув сатҳи кўкракни юқори қисми, ияк ва қулоқ чизиғи бўйлаб ўтади. Сузувчи гавдаси сувга нисбатан горизонтал жойлашади. Ҳужум бурчаги ўртача 8–10 даражани ташкил қилади.
Кўкракда крол усулидагидек, чалқанча усулда ҳам гавданинг бўйлама ўқига нисбатан тебраниш 30–35 даражани ҳосил қилади.
Э нг текис ҳолат бир қўл эшишни тугатиб, гавда ёнида чўзилган, иккинчи қўл сув юзасидаги ҳаракатдан сўнг, сув юзасидаги ҳолатда кузатилади.
Чалқанча сузганда бош бир ҳолатда жойлашади. Бўйин қисми тўғри, мушаклар бўшаштирилган, сузувчи юқорига қисман орқага қарайди.
Оёқ ҳаракати. Оёқлар ҳаракати навбатма-навбат, пастдан юқорига ва юқоридан пастга йўналтирилган. Юқоридан пастга–тайёргарлик, пастдан юқорига–ишчи ҳаракат амалга оширилади.
Дастлабки ҳолат. Оёқлар ишчи ҳаракатни тугатиб, бутунлай тўғирланган, панжа сув юзасидан чўзилган ҳолда, таз сув юзсига нисбатан пастда, оёқ чизиги ва горизонтал чизиқ оралигида ўткир бурчак ҳосил қилади.
Тайёргарлик ҳаракати. Тайёргарлик ҳаракатининг биринчи қисмида оёқ тўғри ҳаракатланади. Бунинг натижасида таз ваболдир юқорига кўчирилади. Тайёргарлик ҳаракатининг биринчи қисмида оёқ пастга тўғри ҳаракатланади.
Тизза ва панжа бошланган ҳаракатни давом қилдиради, оёқларнинг тизза бўғимидан букилиши юзага келади. Горизонтал ҳолат ва болдир орасидаги бурчак 8–10 даражага етганда,болдир ўз ҳаракатини тўхтади ва ўз йўналишини ўзгартиради, тизза ўз ҳаракатини пастга давом эттиради.
Панжа, тиззанинг олдинги қисми ва горизонтал ҳолат, тахминан, 45 даражага етганда, тайёргарлик қисм тугалланади.
Ишчи ҳаракат. Ишчи ҳаракат болдир ҳаракати билан бошланиб,бошқа қисмларга узатилади ва оёқларнинг тизза бўғимидан кучли букилиши ҳисобига бажарилади. Ишчи ҳаракат пастдан юқорига йўналишида бажарилади. Асосий ҳаракатлантирувчи панжа ҳисобланади. Оёқ ҳаракати ҳосил қиладиган тортишиш кучи кўкрак дакрол усулига нисбатан анча кўп. Оёқ ҳаракати гавда тебранишини мувозанатлаштиради, юқори оқувчанлик ҳолатида сақлайди.
Қўл ҳаракати. Қўллар ҳаракати навбатма-навбат бажарилади. Улар бошқарувчи вазифани бажаради. Қўлнинг жараёндаги ҳаракати кўкрак дакрол усули фазаларига ўхшаш,лекин фаза давомийлиги, қўл ҳаракати траекторияси, эшиш динамикаси нисбатан фарқ қилади.