Олий таълим тизими педагог ва раҳбар кадрларини қайта тайёрлаш ва уларнинг малакасини оширишни

1-мавзу. Олий адабий таълим кечимида педагогик ҳамкорликни 
йўлга қўйиш технологияси. Ҳозирги кунларда педагогик ҳамкорлик 
тушунчаси олдинги вақтдагиларга нисбатан бир қадар кенг маъно ташишига 
тингловчилар диққати тортилади. Агар олдинлари таълим-тарбия жараёни 
учун ўқитувчи билан талабаларнинг ҳамкорлиги етарли бўлса, эндиликда бу 
тушунча талабаларнинг бир-бири билан ўзаро ҳамкорлигини ҳам ўз ичига 
олмоқда. Олий филологик таълимда талабалар ўқув кечимининг 
объектларигина эмас, балки чинакам субъектлари мақомига юксалган 
пайтдагина таълим кутилган самарани беради. 
Замонавий таълим шундай уюштирилиши керакки, бу кечимда ҳар бир 
талаба ҳам ўзи, ҳам бошқалар учун жавобгарлик ҳис қилсин. Индивиднинг 
ютуғи жамоанинг ютуғига, мағлубияти кўпчиликнинг мағлубиятига 
эврилсин. Амалий машғулот мобайнида тингловчилар бунга қандай 
эришилиши юзасидан машқ қилиб кўрадилар. 
Филологик таълим кечимига ҳам ахборот-коммуникатив воситалар 
кириб бормоқда. Шунингдек, таълимни ташкил этишда конструктив 
педагогик фалсафага таяниш етакчилик қилиб, борган сари талабаларнинг 
мустақил таълим олишига устуворлик берилиши мақсадга мувофиқ. 
Айни дамларда филологик таълимда ҳам катта самаралар келтираётган 
ёндашув йўсинларидан бири интерфаол ўқитиш усулларидирки, адабиёт 
сабоқларини 
уюштиришда 
бу 
йўлдан 
фойдаланиш 
таълимнинг 
натижадорлигини сезиларли даражада юксалтиришга олиб келади. 
2-мавзу. 
Бўлажак 
филологларда 
бадиий 
таҳлил 
компетентлилигини шакллантириш. Давр талабалари даражасидаги етук 
филолог мутахассис бўлиш учун адабиёт ўқитиш методикаси сабоқлари 
ёрдамида бадиий асар таҳлили йўлларини эгаллаш катта аҳамият касб этади. 
Ўз билимини тинимсиз ўстириб, янгилаб бориш бўлажак филологнинг 
табиий эҳтиёжига айланмай туриб, кутилган дидактик натижага эришиш 
мумкин эмаслигини вақт кўрсатмоқда. Зотан, илму фан тинимсиз ўзгариб 
бормоқда. Аудитория соатлари эса чекланган. Талаба аудиториядан чиқиб 

---

9 
кетгандан сўнг ҳам адабий таълимни давом эттирмаса, ҳатто, олий мактабни 
битиргандан сўнг ҳам узлуксиз ўқимаса, давр талабига жавоб бера оладиган 
филолог бўлолмайди. 
Адабиёт ўқитиш самарадорлигига эришишда талабаларнинг бадиий 
асарни таҳлил қилиш компетентлилигини таъминлаш ҳал қилувчи аҳамият 
касб этади. Негаки, бўлажак филолог учун ҳар қандай бадиий матн 
моҳиятига кириш, унинг ёзилган ва текширилаётган вақтдаги ҳаётий ҳамда 
бадиий мантиғи ва эстетик жозибасини очишга қаратилган ҳиссий-
интеллектуал фаолият кўрсата билиш олий таълим олиш кечимидаги энг 
муҳим натижадир.