Олабўжи романдан катта хикоя

– Иккинчидан, сизларга сапхўз правлениясининг қарорини эълон 
қиламан... Мана, оқсувликлар биладики, сапхўз марказида илгари 
медпункт бор эди. Баҳорой Кенжабоева келганларидан кейин медпункт 
амбулаторияга айлантирилди. Бунинг учун райздрав мудири Қўлдош 
Мўминдан ҳам миннатдормиз... – Бош врач тиржайиб қўзғалаётган эди, 
директор қўлини пасайтирди. – Хў-ўш, мана энди қарангки, Баҳорой 
бизга келин ҳам бўп қолдилар. Шунинг учун сапхўз правленияси 
ўйлашиб, қарор қилди... 
– Эшитамиз! 
– Баҳорой келганларидан кейин амбулаторияга ёндоштириб бир 
ҳужра қуриб, уни жиҳозлаб берган эдик. Мебель-себел билан... 
– Балли! 
– Лекин бу гапларни ёзиб юрманг, Мундибой! – деди Бўтабой Сўпи. 
– Ёзмайинми? Ёзмайман! 

---

303 
– Мана, бугун келинимиз куёвнинг уйига йиғиштириниб келди 
ҳисоб. Тўғрими? 
– Фақат сепини кўрмадик-да, директор бобо! 
Баҳор чачвонни кўтарди. Ултон унинг билагидан ушлади. Дунё: 
– Ўзингни бос, – деб шивирлади. – Буёғини эшит. Биламан, сенда 
бор. 
– Шу жиҳозларни Баҳоройга тубли берган бўлсак, сеп ўрнига 
ўтадими? – сўради Бўтабой Сўпи ва... 
...гулдирос қарсак бўлиб кетди. 
– Шундай қилдик! – давом қилди директор. – Правлениянинг 
қарори шу эди. Энди айтмоқчиманки, хоҳласалар – бу ерга келтириб 
олсинлар, хоҳласалар – ўша ерда тураверсин. Хўш, хоҳлаганда – бу ерда, 
хоҳлаганда – у ерда яшайверсинлар. Ихтиёр ўзларида. – Сўпиев 
рўпарасига келиб, ўзини суратга тушираётган Собирга илжайиб қўйди-
да, жойига ўтираётган эди, Тўқлибой Қўчқоров унга тағин бир нима 
деди. Ва директор вазмин кулиб, олдидаги пиёлани олди. – Хуллас, шу