Олабўжи романдан катта хикоя

тасаввур эт! 
– Энг ёмон кўрганим – каламуш! – деди Наби. – Қушхонада кўп 
бўлади-да. Отам қассоблигида иккита мушук обориб қўйдим. Шу 
мушукларниям қочирди. 
 
 
 
 
 
37. 
Бир жуфт қарағай бетон плита ётқизилган майдон адоғида 
гуркираб турар эди. 
Наби “Газик”ни шу қарағайлар тагида ўнглаб тўхтатди. Бугун 

---

169 
якшанба куни бўлгани учун, ҳар қалай, мошина кам эди. Бироқ бу ерда 
“Тез ёрдам” кўринмади. 
Ултон Набига жилмайди. 
– Яна келдик! 
– Ажабмас ҳар кун келадиган бўп қолсангиз? – деди Наби. 
– Бемаъни. 
– Йўқ, домиллажон, Биринчи сизни яхши кўрар экан... 
– Ҳе, бир эслаган-да. 
– Уни қаранг, уни! Носкашнинг туришини қаранг! СС! Ҳе, 
энағар... Ҳозир шуни қитиқлаб уйнинг орқасига ўтказиб юбораман. 
– Қўявер. Бир авчар... 
– Нима-нима? 
– Шу-да. 
Олдинма-кетин мармар зинадан кўтарилдилар. Бўйни йўғон соқчи 
лунжига туршак солгандай ғўлдираб, қўлини чаккасига элтди. 
– Салом, ўртоқ муаллим, – дея кафтини очиб тутганди, Наби 
қарсиллатиб кафтига урди. – Барибир тартиб шу-да! – деди у. 
– Ҳе, тартибингни... – сўкинди Наби. – Ўт буёққа. 
– Мен сизни ҳурмат қиламан... 
– Ҳурмат қилмаям кўр. 
Соқчи ниҳоят четланди, 
– Катта шу ердами? 
– Ҳа. 
 Ултон Набидан сўради: 
– Баҳор кептимикан? 
– Баҳор опам шу ердами? – Бақирди Наби. – Ҳой, даканг, сендан 
сўраяпман! 
– Шу ерда, шу ерда, – тўнғиллади соқчи. 
– Яхши, – деди Ултон ва яна юраги сиқилиб кетди, бироқ энди