Олабўжи романдан катта хикоя

– Тўй-да. 
– А-а-а. 
– Ҳадемай пахта терим ҳам бошланади... – Сўнг кабобхона 
тарафига қараб олди. – Амакига овқат буюрдик, – деди. – Ишчиларга... 
Энди, қўлдан келганини қиламиз-да, Ултонбой! Директоринг қалай? 
– Сиздан хурсанд. 
– Ҳа-а, хайрият... Лекин бизнинг Зиёдбой сенга ўхшаб, ҳалигидай, 
биолог бўлмоқчи. Қуш асраяпти, кўкат йиғади... 
Шу пайт чойхона биқинидан чиққан Наби қўлларини ювган-у, 
сочиқ тополмаганиданми, қўлтиғига қисиб-артиб келаркан: 
– Хўжайин, соат бирга тайёр бўлади! – деди. – Ў-ў, домилла? 
Ассалом алайкум! 
– Салом. 
– Эса мен ҳам мактабдан хабар олай... – деди Бўтабой Сўпи. – Хўш-
да, Ултонбой! Райкомга борамизми? 
– Ҳа. шу... 
– Бемалол... 
“Райкомга боришимизни у... қаердан билади? A-а, Наби айтган, – 

---

167 
деб ўйлади Ултон. – Балки Тўқлибой ака тайинлаб қўйгандир? Ҳа-ҳа... 
Ҳа-е, борайлик-чи, бир гап бўлар-да”. 
– Юзим шишганми? 
Наби илкис қаради. 
– Кам ухладингизми? 
– Набарот, кўп ухладим... Соқол ўсиптими? 
– Сал-пал. – Наби бирдан илжайиб, афтидан бир ҳазил қилмоқчи 
бўлди-ю, Ултон уришиб берадигандек олдинга боқди. Бироқ барибир 
шайтон кучлилик қилди: 
 
 
Дарёларнинг ул юзида уйло-орингиз,
 
 
Оқаришиб кўриноди бўйло-орингиз... 
Наби хиргойи қилишдан таққа тўхтаб: 
– Э, домилла, сизга бир нимани билиб айтмоқчи эдим-а? – деди. 
Ултон гангиб сўради: 
– Нимани? 
– Кеча... опа туйқус кетиб қолди-ку?... Ёнғоқ остидан! Эс борми? 
– Дарвоқе! – Лекин Ултон энди ўша ҳолнинг сабабини билишга