Олабўжи романдан катта хикоя

йўналди. Шунда совхоз директорининг ҳам ўзи билан кўришишга хуши 
борлигини сезди: Бўтабой Сўпининг қалин лабларида ёш болаларга хос 
табассум пайдо бўлган, қўлидаги пиёлани сўрига қўйиб, Ултонга 
бурилган эди. 
Ултоннинг дилидан йилт этган шуъладек бир гап ўтди: 
“Хурсанд.... Мактаб таъмирини бошлагани учун-да? Гўё!” 
– Ассалом алайкум, – бир қўлини кўксига босмай, ёнига 
туширганча, бирини узатди. Ва шу дақиқанинг ўзида бу “арбоб”га отаси 
қарам эканини эслади: ҳа-ҳа, бу одам Султон чўпонни ардоқлайди... 
Ардоқлагани учун у киши – област советига депутат-да! Ҳа, фақат 
шу одамнинг истагани учун... 
Бу одам истамай қолса... 
– Ҳа, хурсандмисан энди, камсамол? – аликка қўшиб сўради 
Бўтабой Сўпи. 
– Директор бобо, мен комсомол эмасман, чиқиб кетганман, – деди 
Ултон, – кейин... нимадан “хурсанд” бўлишим керак? – сўради жўрттага. 
Ва ўзига иршайиб қараб турган хотин – район фирқа 
қўмитасининг котиби Махфират Эгамқуловага бош ирғади. 
– Яхшимисиз, опа? 
– Ў, ёзувчимдан айланай! – Опа дадил келиб, унинг қўлини олди ва 
елкасига қоқиб қўйди. 
Ултон хиёл таъзим қилиб четланаркан, мийиғида кулумсираб 

---

164 
турган ориқ, эти терисига ёпишган Турсунтошга қўл узатди. 
– Омонмисиз, Турсунтош? – Синфдош билан атай кўпроқ 
гаплашгиси келди: – Катта қиз бўлиб юрибсизми?.. Қизалоқни ўстириб? 
Шўро раисаси чағ-чағлаб кулди. 
– “Худога шукур” десам, Махпират опам танқид қиладилар! 
– Йў-ўқ, биз хам тушунамиз, – деди котиба. – Ленин бобомиз ҳам 
“Слава богу”, деганлар... 
– Бу қора калла омон бўлса, кўп галларни эшитамиз! – деб гапга 
қўшилди Бўтабой Сўпи. – Айтгандай, мактабингизга рабочийлар кетди,