Олабўжи романдан катта хикоя

(тўйда, чойхонада дуч келганда) шундай ҳолга тушган эди. 
Ултон директорга боқди-ю, унинг... ўзгача-ўйчан тикилиб 
турганини кўрди. Шунинг таъсирида хиёл юмшаб: 
– Умуман айтганда, ўқитувчилар ҳам, ўқувчилар ҳам хурсанд 
бўлишади, – деди. Шунда сездики, директор унинг сўзларини эшитмади, 
илло, нигоҳида ўзгариш йўқ эди. – Кечирасиз, Бўтабой ака, менга 
гапингиз борми? 
“Миллионер” ўзига келди. 
– Э, йўғ-е, – деди. – Бир жойда яшаймиз, бир сойнинг сувини 
ичамиз. Гаплашадиган нарсамиз йўқ... Шу, бир-биримиздан кўп 
йироқдамиз-да, иним. 
Ултон бу сўзлардан ҳам Тўқлибой Қўчқоровнинг “муроса-мадора” 
хусусидаги насиҳатининг нафасини туйди ва ҳайрон қолди, нега 
Ултонга айтиш керак бу гапни? Ахир, Ултон унинг устидан ёзган 
бўлмаса? 
Ёзмайдиям! 
Ҳа. 
– Гапингизни тушунмадим, директор бобо? 
– Энди, сен билан биз шу тупроқнинг фарзанди, – давом этди 
Бўтабой Сўпи. – Келгиндилар келиб кетаверади. Сув кетар – тош 
қолар... 
Ултон фаҳмлади: у Зокир Ўриновни кўзда тутарди. 

---

166 
Ахир, уша киши-да район марказидан бу ерга қатнаб ишлайдиган 
“келгинди”. 
“Нафадар бачканалик! – эзилиб кетди Ултон. – Нақадар... 
нодонлик! 
Келгинди, ахир келгинди – бошқалар-ку?...” 
– Кимларни кўзда тутяпсиз? – сўради Ултон. 
– Ҳе-е, кўп-да ундайлар... – ижирғаниб чайналди у. – Ҳа, майли. 
Ҳали насиб қилса, бир гурунглашамиз. Отанг ҳам эртан-мертан қайтиб 
қолар... Келаси ҳафтадан кунлар совурмиш, бизга булитен келди. – Сўнг 
у алланечук илжайди. – Тўй-пўйингларинг бўлса, олдин қулоққа солиш 
керак бўлади. 
– Қанақа тўй?